Ділгір мамандарды даярлау мәселесі

Министрлік таратқан ақпа­рат­қа сүйенсек, «Әділетті Қазақ­­стан: құқық тәртібі, эконо­ми­ка­лық өсу, қоғамдық оптимизм: ЖОО-дың әлеуметтік қорғау жүйе­­сінің кадрлық әлеуетін арт­тыруға қос­­қан үле­сі» тақы­рыбындағы тал­­қы­лауда әлеу­меттік қорғау жүйе­­сінің кадр­лық әлеуетін арт­ты­руға уни­вер­ситеттердің үлесін күшей­ту жөніндегі стратегиялық бағыт­тар мен прак­тикалық шаралар орта­ға салынды.

Жиында сөз алған Ғылым және жоғары білім министрі Саясат Нұрбек әлемде «инклюзия» ұғы­мы қайта қарастырылып жатқанын атап өтті. «Бұл – тек кедергісіз ортаны құру ғана емес, физикалық мүмкіндіктері жоқ кез келген адамды немесе басқа шектеулері бар адамдарды қосу. Дүниежүзілік банктің жобасы аясында біз педагогикалық университеттердің барлық оқу бағ­дарламасын фин серіктес­те­рінің көмегімен қайта қара­дық. Мұнда 30 жаңа оқу бағ­дарламасы әзірленді, инклюзия негізгі қағидат болып тұр. Мұғалімдердің жалпы массасын бөлек дайындаудың орнына, біз әр мұғалім инклюзияның не екенін түсініп, сертификатталуы үшін бәрін бірдей дайындауды шештік. Осы жоба аясында 25 университет арнайы кабинеттермен және зерттеу кешендерімен жабдықталды», деді министр.

Қатысушылар әлеуметтік жұ­мыс бойынша инновациялық кадр­ларды даярлау проблема­ла­рын, университеттердің қаты­суымен әлеуметтік қорғау қыз­меткерлеріне үздіксіз білім берудің өзекті мәселелерін, сон­дай-ақ жұмыс берушілердің әлеуметтік жұмыс саласындағы бола­­шақ мамандардың құзырет­терін қалыптастыруға қосқан үле­сін талқылады.

Ал Л.Н.Гумилев атындағы Еуразия ұлттық университетінің ректоры Ерлан Сыдықов: «Біздің жоғары оқу орнында Әлеу­мет­тік жұмыс жөніндегі білім бағдарламаларын белсенді дамытып келеді. Түлектеріміздің терең кәсіби білімге ие болуы­на ғана емес, сонымен қатар олардың кәсіби қызмет саласында туындайтын практикалық мәселелерді шешуге дайын болуын қамтамасыз етуге тырысамыз. Білім беру үдерісі аясында біз әлеуметтік жұмыс бойынша әлемдік тәжірибені зерделеуге және инновациялық тәсілдерді енгізуге көп көңіл бөлеміз», деп атап өтті. Ректордың айтуын­ша, ЕҰУ Әлеуметтік жұмыс теориясы мен тәжірибесінің үздік стандарттарын енгізуге бағыт­талған Франкфурт және Шанхай университеттерімен SOLID халықаралық ғылыми жобасын жүзеге асырып келеді. Университет ғалымдары цифр­лық шешімдер арқылы халықтың осал топтарының мәсе­лелерін шешуге арналған «Цифр­лық трансформация жағдайындағы қазақстандық қоғам: перспективалар мен тәуе­келдер» атты ауқымды жоба­ға қатысып жатыр. Соны­мен қатар ЕҰУ мен Еңбек және халықты әлеуметтік қорғау министрлігі бірлесіп әлеуметтік саясатты қолдауға, оның тиімділігін арттыруға ба­ғыт­­талған кәсіби стандарттар мен білім беру бастамаларын әзірлеп отыр.

Еңбек және халықты әлеу­меттік қорғау вице-министрі Асқарбек Ертаев әлеуметтік жұмыс жүйесін дамытудың негізгі векторларына тоқталды. «Бүгінде Қазақстанда 35 мыңнан аса әлеуметтік қызметкер жұ­мыс істейді. Әлеуметтік қыз­меткерлердің тек 12% ғана – мамандандырылған білімге ие. Бұл олардың белсенді даярлығы мен жаңа мамандардың қажет­тілігін көрсетеді. Кадрлардың сапасын арттыру үшін биыл халықаралық стандарттарды еске­ре отырып, кәсіби стандарттар әзірленді. Биыл 8,5 мыңнан көп әлеуметтік қызметкер маман­дан­дырылған оқудан өтті. Келесі жылдан бастап әлеуметтік сала мамандары еліміздің 14 жоға­ры оқу орнында қайта даярлаудан және біліктілігін арттырудан өте алады. Біз Еуразия ұлттық уни­вер­ситетімен де мемо­ран­дум­ға отырдық», деді вице-министр.

Кездесу барысында бірқатар мамандар мен сарапшылар сөз сөйлеп, баяндамалар жасады. Соның бірі ЕҰУ-дың әлеуметтік-мәдени даму жөніндегі проректоры Ләзат Төлегенқызы уни­верситеттің әлеуметтік қыз­­­­мет­­­керлерді даярлаудағы инно­­­ва­циялық әлеуеті жөнінде айтты. Ал астаналық балалар мен отбасын қолдау орталығының басшысы Мария Шубина білім бағдарламалары түлектерінің әлеу­меттік жұмыстағы құзырет­тілігіне жұмыс берушінің күтуі мен қосатын үлесі тура­лы ақ­па­ратты бөлісті. ЕҰУ цифр­­лық даму секторының менед­жері Алтынбек Зұлхажав көру қабілеті нашар адамдарға ар­нал­ған «Инклюзивті гид» нави­­га­циялық жүйесін таныс­тыр­ды. Қатысушылар сондай-ақ Л.Н.Гумилев атындағы ЕҰУ инклю­зивті қолдау орталығының жұ­мы­­­сымен танысты және кеңей­тіл­­ген отырыс аясында дөңгелек үстел өтті.