Қостанайда «Алтын микрофон» байқауы өтуде (видео)

АСТАНА 1 мамыр. Қостанай қаласында жас әншілер арасында «Алтын микрофон» халықаралық байқауы өтуде. Оған әртүрлі жас ерекшеліктеріне байланысты болашақ әншілер қатысуда. Бұл туралы 24.kz хабарлады. Бүгін, яғни, Қазақстан халқының бірлігі күніне орай, байқау жеңімпаздары және қонақтарының қатысуымен гала-концерт өтеді. «Қостанай – бейбітшілік пен достықтың қаласы» деп ұрандатқан байқауға қатысушылар әндерін Қазақстан халқы ассамблеясы жылына арнауда. Дәстүрлі байқау биыл XIII рет ұйымдастырылып отырғанын айта кетейік. Жас әншілердің фестивалі елімізден бөлек, алыс-жақын шет елдерге де танымал. «Алтын микрофон» байқауын ұйымдастырушы Балуан Беркеновтің айтуынша, жыл сайын қатысушы елдердің аясы кеңейіп келеді. «Биылғы байқауға жаңадан қатысып жатқандар да бар. Жылдан жылға георграфиясы кеңейіп келеді. Мәселен, биыл Эстония, Армения, Литва, Болгария, Украина және Беларусь елдерінен алғаш рет қатысушылар келді. Жалпы, осы жылы 8 елден 65 жас әнші бақ сынауда. Бұл біз үшін айтарлықтай көрсеткіш», – дейді Балуан Беркенов. Еламан Қоңыр. Дерек: 24.kz. Сурет: konfettusha.ru.