Универсиада: Софья Самоделкина қола жүлде жеңіп алды

Италияда өтіп жатқан XXXII қысқы Универсиадада кезекті жүлде қоржынымызға түсті.

Мәнерлеп сырғанаудан әйелдер бәсекесінде сынға түскен Софья Самоделкина қола жүлде иеленді.

Әйелдер арасындағы жарыстың нәтижелері:

1. Рион Симиоши - 204.29 ұпай
2. Моне Чиба - 203.85 ұпай
3. Софья Самоделкина - 190.96 ұпай.

Бұл мәнерлеп сырғанаудан қысқы Универсиада тарихындағы екінші медаль. Бұған дейін 2019 жылы Елизабет Тұрсынбаева күміс жүлдені алған.

Ал ерлер сайысында Михаил Шайдоров екінші қысқы Универсиадасында да 4-орынға тұрақтап, жүлдеге сәл ғана жетпей қалды.

Ерлер арасындағы жарыстың нәтижелері:

1. Юма Кагияма - 289.04 ұпай
2. Даниэль Грассль - 280.56 ұпай
3. Ча Чун-хван - 264.94 ұпай
4. Михаил Шайдоров - 260.15 ұпай