2023 жылдың күзінде бой көтерген жаңа нысан алдағы уақытта ауданның мәдени дамуына тың серпін бермекші.
Облыс әкімі Асхат Шахаров жаңа орталықта өткен Хромтау ауданының 90 жылдығына арналған салтанатты шарада өңір дамуына ерекше үлес қосқан еңбек адамдарына төсбелгілер мен Алғыс хаттар табыстады. Еңселі ғимаратта кең сахна, көрермендер залы, шығармашылық үйірмелерге арналған бірнеше кабинет жасақталған.
Аудан әкімі Нұрхан Тілеумұратовың айтуынша, жаңа орталықта ашылған вокал, хор, көркемсаз өнері және актерлік шеберлік үйірмелері талантты жастардың қабілетін шыңдауға жақсы мүмкіндік береді. Мәдени орталық құрылысын ERG компаниялар тобы әлеуметтік жауапкершілік аясында іске асырды.
