Критикалық ишемия деп отырғанымыз – бұл тіндерге оттегі мен қоректік заттар жеткіліксіз болатын ауыр дерт. Нәтижесінде ауырсыну пайда болады, аяқ-қол тінінде трофикалық өзгерістер өршіп, осыдан кейін некроз басталады. Дер кезінде ем-дом жүргізілмесе, кеселі асқынып, нәтижесінде гангрена, сепсис пен аяқ-қолдың ампутациясына алып келеді.
Осындай жағдайда қалайда науқастың аяғын сақтап, қан айналымын қалпына келтіру үшін қан тамырлары хирургы Сұлтан Илиев МӘМС шеңберінде мықын артериясын стенттеу операциясын жасады.
Барынша зақымы аз операция зақымданған тамырды кеңейтіп, қан ағымын қалпына келтіруге мүмкіндік берді. Осылайша операция барынша сәтті өткендіктен, ауыр асқынулардың жолы кесіліп, науқасты қайта аяғынан тұрғызды.
Алматыдағы Орталық қалалық клиникалық ауруханасында қолданатын озық эндоваскулярлық технологиялар қан тамырлары ауруларының ауыр түрлерін тиімді емдеуге жол ашып отыр.
АЛМАТЫ
