АСТАНА. 6 ақпан. Теннистен Федерация кубогы жарысында Қазақстан Азия және Мұхит аймағы елдері сайысының бірінші тобында финалға шықты. Бұл туралы egemen.kz хабарлады.
Қытайдың Гуанчжоу қаласында өтіп жатқан жарыста отандық теннисшілер өз тобындағы шешуші үшінші ойынды Таиланд қыздарына қарсы өткізді. Алғашқы ойында еліміздің екінші ракеткасы Ярослава Шведова қарсыласы Пеантану Плипуечтен басым түсті. Бірінші сетте Слава тай-брейк арқылы жеңсе, келесі кезеңде таи қызының басымдығы тіркелді. Десек те, шешуші сетте Шведова қарсыласына екі ұпай ғана ұстатып, ойынды 6:7, 7:5, 6:2 есебімен өз пайдасына аяқтады.
Екінші ойында қазақ теннисінің жарық жұлдызы, еліміздің бірінші нөмірлі теннисшісі Зарина Диас Таиланд сенім артқан Ниче Летпитаксинчайды тас-талқан қылып жеңді. Екі кезеңге созылған ойында Зарина қарсыласына ешқандай ұпай бермеді. Нәтижесінде, біздің қыздың пайдасына 6:0, 6:0 есебі тіркеліп, жарыс барысында Қазақстан үшінші ойын қатарынан мерзімінен бұрын жеңіске жетті.
Жұптық кездесуде еліміздің атынан әдеттегідей Кәмилә Керімбаева мен Юлия Путинцева кортқа шықты. Ал Таиланд тарапынын Луксика Кумхум мен Тамарине Танасугарн жұбы сынға түсті. Біздің қыздар алғашқы сетте есе жібергенімен, екінші кезеңде жалпы есептегі таразы басын теңестірген еді. Үшінші сетте тай қыздарының мерейі үстем болып, 6:3, 1:6, 6:3 есебімен басымдық танытты.
Десек те, Диас Досқараев жаттықтыратын Қазақстан «В» тобында барлық қарсыластарын қапы қалдырып, үздік атанды. Соған сәйкес ІІ Әлемдік топтың плей-офф сатысына берілер жолдамаға таласуға мүмкіндік алды. Бұл сында бізді «А» тобының жеңімпазы Жапония қыздары күтіп тұр. Өз кезегінде олар Оңтүстік Корея, қытайлық Гонконг және Өзбекстан құрамаларына қарсы ойнап, барлық тартыста 3:0 есебімен жеңді. Егер қыздарымыз Жапонияны да айналып өтер болса, ІІ Әлемдік топта соңғы орын алған командамен аталған сатының жолдамасын сарапқа салады. Жапониямен ойын 7 ақпан күні өтеді.
Еламан Қоңыр.
Дерек: egemen.kz.
Сурет: ktf.kz.
АСТАНА. 6 ақпан. Теннистен Федерация кубогы жарысында Қазақстан Азия және Мұхит аймағы елдері сайысының бірінші тобында финалға шықты. Бұл туралы egemen.kz хабарлады.
Қытайдың Гуанчжоу қаласында өтіп жатқан жарыста отандық теннисшілер өз тобындағы шешуші үшінші ойынды Таиланд қыздарына қарсы өткізді. Алғашқы ойында еліміздің екінші ракеткасы Ярослава Шведова қарсыласы Пеантану Плипуечтен басым түсті. Бірінші сетте Слава тай-брейк арқылы жеңсе, келесі кезеңде таи қызының басымдығы тіркелді. Десек те, шешуші сетте Шведова қарсыласына екі ұпай ғана ұстатып, ойынды 6:7, 7:5, 6:2 есебімен өз пайдасына аяқтады.
Екінші ойында қазақ теннисінің жарық жұлдызы, еліміздің бірінші нөмірлі теннисшісі Зарина Диас Таиланд сенім артқан Ниче Летпитаксинчайды тас-талқан қылып жеңді. Екі кезеңге созылған ойында Зарина қарсыласына ешқандай ұпай бермеді. Нәтижесінде, біздің қыздың пайдасына 6:0, 6:0 есебі тіркеліп, жарыс барысында Қазақстан үшінші ойын қатарынан мерзімінен бұрын жеңіске жетті.
Жұптық кездесуде еліміздің атынан әдеттегідей Кәмилә Керімбаева мен Юлия Путинцева кортқа шықты. Ал Таиланд тарапынын Луксика Кумхум мен Тамарине Танасугарн жұбы сынға түсті. Біздің қыздар алғашқы сетте есе жібергенімен, екінші кезеңде жалпы есептегі таразы басын теңестірген еді. Үшінші сетте тай қыздарының мерейі үстем болып, 6:3, 1:6, 6:3 есебімен басымдық танытты.
Десек те, Диас Досқараев жаттықтыратын Қазақстан «В» тобында барлық қарсыластарын қапы қалдырып, үздік атанды. Соған сәйкес ІІ Әлемдік топтың плей-офф сатысына берілер жолдамаға таласуға мүмкіндік алды. Бұл сында бізді «А» тобының жеңімпазы Жапония қыздары күтіп тұр. Өз кезегінде олар Оңтүстік Корея, қытайлық Гонконг және Өзбекстан құрамаларына қарсы ойнап, барлық тартыста 3:0 есебімен жеңді. Егер қыздарымыз Жапонияны да айналып өтер болса, ІІ Әлемдік топта соңғы орын алған командамен аталған сатының жолдамасын сарапқа салады. Жапониямен ойын 7 ақпан күні өтеді.
Еламан Қоңыр.
Дерек: egemen.kz.
Сурет: ktf.kz.
