Фото: instagram.com/boxingkazakhstan
10 ақпанда басталған жаттығу жиыны 24 ақпан күні «Странджа» кубогіне ұласады.
Қазір дайындыққа Бразилия, Болгария, Ирландия, Италия құрамасының боксшылары қатысып жатыр. Ұлттық олимпиада комитетінің мәліметінше, оқу - жаттығу жиынына әлем чемпиондары, Олимпиада жүлдегерлері, Еуропа чемпиондары қатысып, тәжірибе алмасуда.
Кіші әлем чемпионаты аталып кеткен турнирде еліміздің бірінші және екінші нөмірлі былғары қолғап шеберлері бақ сынайды.
Бас бапкер осы додаға қатысатын барлық боксшының физикалық, техникалық дайындығы тиянақты екенін, құраманың әр боксшысынан медаль күтетінін айтты.
«Странджа» кубогінен кейін Ресей құрамасымен бірлескен оқу-жаттығу жиыны өтеді. Бұл жиынға Ресейдің, Өзбекстанның, Әзербайжанның, Беларусьтің 1-2 нөмірлі боксшылары қатысады. Бір құрамамыз Бразилияда өтетін Әлем кубогына аттанады. Одан бөлек тағы бір құрамамыз Әзербайжан мен Грузияда оқу-жаттығу жиынын өткізеді. Кейіннен «Жібек жолы» атты ірі халықаралық турнирде өнер көрсетеді», деді Қайрат Сәтжанов.
Сондай-ақ 13-27 наурыз аралығында Жапония мен Корея мемлекеттерінің қатысуымен жаттығу жиыны жоспарланып отыр. Ал Ресейде дайындалып жатқан спортшылар Хабаровскіде өтетін жарысқа қатысады.
