Фото: ашық дереккөз
Депутат Қаратау өңірінде орналасқан «Ақбикеш мұнарасының» опырылып құлауын тілге тиек етіп, тарихи ескерткіштерді күтіп-баптау ісінің сапасыздығын сынға алды. Сондай-ақ Б. Керімбек жекелеген адамдардың музейіне қолдау көрсетілу керектігін атап өтті. Осы үрдісті жақсы нәтижеге жеткізген көрші Ресейді мысалға ала отырып, мемлекеттік ұйым тарапынан осыған қатысты жүйелі жұмыс жүргізу – заман талабы екенін жеткізді.
Бұған қоса депутат балаларға арналған ғылыми-техникалық музейдің маңыздылығын атап өтті. Осы орайда Б. Керімбек төмендегідей ұсыныстарды жеткізді:
- «Ақбикеш мұнарасын қайта қалпына келтіріп, еліміздегі бүкіл тарихи-мәдени ескерткіштердің жай-күйіне тексеру жүргізу.
- Білікті мамандардың қатысуымен Қазақстан мұражайларының жаңа концепциясын әзірлеп, қолданысқа енгізу.
- Жеке мұражайлар ашу тәртібін нақтылап, есебін жүргізіп, оларға мемлекеттік қолдау көрсету тетіктерін тұжырымдап, іске асыру.
- Мұражайлар жанында балаларға арналған ғылыми-техникалық орталықтың қаржыландыру көзін және орналасатын жерін анықтау мәселесін пысықтау.
- Жеке коллекциядағы жәдігерлерді сату, оларды шекарадан шығару кезінде мемлекетке бірінші кезекте оны сатып алу құқығы беретін нормалар мен механизмдерді заңға енгізу.
- Елімізден шет елдерге шығарылған тарихи-мәдени жәдігерлерді қайтару бойынша жұмыс жүргізу және тіпті оларды қайтару мүмкін болмаған жағдайда, олар бойынша мәліметтерді жинақтап, арнайы ортақ реестр жасау бойынша шара қабылдау.
