Парламент Сенатының төрағасы Мәулен Әшімбаев, Премьер-министрдің орынбасары – Ұлттық экономика министрі Серік Жұманғарин, «Атамекен» ҰКП төралқасының төрағасы Райымбек Баталов, сондай-ақ белгілі экономист Алмас Чукин үш сағаттық ашық әңгіме барысында салық реформасының алғышарттары және оның негізгі бағыттарын, еліміздегі бизнес пен жалпы экономикалық жағдайға әсерін егжей-тегжейлі талдады.
Подкаста көтерілген мәселелердің қатарында ҚҚС мөлшерлемесін өзгерту, бизнеске салық жеңілдіктері, мемлекеттік шығындарды оңтайландыру, салық саясатының инфляцияға әсері, сондай-ақ өтемақы мен атаулы әлеуметтік көмек тетіктері бар. Сенат төрағасы атап өткендей, салық реформасы – еліміздің ұзақмерзімді дамуына бағытталған стратегиялық маңызды бастама.
«Президент Қасым-Жомарт Тоқаев оңтайлы және теңгерімді салық жүйесін құру міндетін жүктеді. Сондықтан бәріміз осы маңызды, қажетті және тиімді құжатты қабылдауға бірлесіп жұмыс істеуіміз керек. Салық реформасы еліміздің ұзақ мерзімді, сапалы және тұрақты дамуына, сондай-ақ барлық әлеуметтік міндеттемелерді орындауға бағытталған», деп атап өтті М.Әшімбаев.
