Облыс орталығы Тараз қаласындағы Қайрат Рысқұлбеков атындағы саябаққа жиналған ерікті жастар қап-қап қоқыс жинап, арнайы орындарға апарып төкті.
«Шаһар тұрғындары экологиялық мәдениетті сақтаса дейміз. Әрбір азамат қала тазалығы үшін жауапты екенін сезінгені ләзім. Жастар бұл акцияға қай кезде де белсенділікпен қатысып жүр. Осы жылы да жұдырықтай жұмылатынымыз анық», дейді экологиялық акцияға қатысушылардың бірі Дархан Байпақ.
Өңір жастарының ұйымдастыруымен өткен экологиялық акцияға Байзақ, Жамбыл аудандарының жастары да үлес қосты. Атап айтсақ, Жамбыл, Меркі, Байзақ аудандарындағы орталық саябақтар да қоқыстан тазартылды.
