АҚТАУ. 9 ақпан. Маңғыстау оркестрі Баку қаласында өнер көрсетті. Бұл туралы egemen.kz тілшісі хабарлады.
Маңғыстау облыстық филармониясының Абыл Тарақұлы атындағы ұлт-аспаптары оркестрінің Әзербайжан Республикасының астанасы Баку қаласында қойған концерті «Каспийді тербеткен достық-ән» деп аталды.
Концерт Баку қаласында Муслим Магомаев атындағы Әзербайжан Мемлекеттік филармониясында өтті.
Концертте Қазақстан сазгерлерімен бірге Әзербайжан сазгерлерінің шығармалары орындалды. Қазақ өнерпаздары Сардар Фараджевтың шығармаларын орындады, концерттің қонағы болған сазгер қазақ оркестріне жылы лебізін білдірді. Әзербайжан елінің әйгілі әншісі Фахри Кязим қазақ оркестрінің сүйемелдеуімен ән шырқады.
Мәдениет саласының үздіктері Асқар, Асанәлі Көшеровтер, Жоламан Көшкінов сынды әншілер мен жыршы Болат Шәулиевтің өнеріне қол соқты.
Гүлайым Шынтемірқызы.
Дерек, сурет: egemen.kz.
