Астана және Алматы қалалары мен облыс әкімдері тағайындалды

АСТАНА. 4 мамыр. Астана және Алматы қалалары мен облыс әкімдері тағайындалды. Бұл туралы akorda.kz хабарлады. «Астана және Алматы қалаларының, облыстардың әкімдері туралы» Жарлық Қазақстан Республикасы Конституциясының 87-бабының 4-тармағына сәйкес ҚАУЛЫ ЕТЕМІН:

1. Мыналар:

Әділбек Рыскелдіұлы Жақсыбеков – Астана қаласының әкімі; Ахметжан Смағұлұлы Есімов – Алматы қаласының әкімі; Сергей Витальевич Кулагин – Ақмола облысының әкімі; Архимед Бегежанұлы Мұхамбетов – Ақтөбе облысының әкімі; Амандық Ғаббасұлы Баталов – Алматы облысының әкімі; Бақтықожа Салахатдинұлы Ізмұхамбетов – Атырау облысының әкімі; Нұрлан Асқарұлы Ноғаев – Батыс Қазақстан облысының әкімі; Кәрім Насбекұлы Көкірекбаев – Жамбыл облысының әкімі; Нұрмұхамбет Қанапияұлы Әбдібеков – Қарағанды облысының әкімі; Нұралы Мұстафаұлы Сәдуақасов – Қостанай облысының әкімі; Қырымбек Елеуұлы Көшербаев – Қызылорда облысының әкімі; Алик Серікұлы Айдарбаев – Маңғыстау облысының әкімі; Асқар Исабекұлы Мырзахметов – Оңтүстік Қазақстан облысының әкімі; Қанат Алдабергенұлы Бозымбаев – Павлодар облысының әкімі; Ерік Хамзаұлы Сұлтанов – Солтүстік Қазақстан облысының әкімі; Даниал Кенжетайұлы Ахметов – Шығыс Қазақстан облысының әкімі болып тағайындалсын.

2. Осы Жарлық қол қойылған күнінен бастап қолданысқа енгізіледі.

Қазақстан Республикасының              Президенті                                                                              Н.Назарбаев Астана, Ақорда, 2015 жылғы 4 мамыр № 8