Фото: Спортты дамыту дирекциясы
Туризм және спорт министрлігі Спортты дамыту дирекциясының хабарлауынша, «Странджа кубогінде» бұған дейін ел боксшыларынан ешкімге бұл атақ бұйырмаған. Осылайша, Төрехан Сабырхан - «Странджа кубогінде» үздік боксшы атанған алғашқы қазақ атанып отыр.
19 жастағы былғары қолғап шеберінің ересектер арасындағы сынға қосылғанына 1 жыл толған жоқ.
Турнир финалында ол Әзербайжан өкіліне қарсы жұдырықтасты. Тартысқа толы бәсекенің екі раунд қорытындысында есеп теңесіп тұрғанмен, шешуші сында отандасымыз жеңіске лайықты екенін дәлелдеді.
