Қостанайда пара алған шенеунікке сот 12 миллион теңге айып салды

ҚОСТАНАЙ. 4 мамыр. Қостанайда әділ сот 200 мың пара алған шенеунікке оның көлеміне 60 есе артық, яғни 12 миллион теңге айып салды және  мемлекеттік қызметте істеу құқығынан өмір бойы айырды. Бұл туралы egemen.kz тілшісі хабарлады. Қостанай қаласындағы салт-жоралар қызметін көрсететін «Стикс» жауапкершілігінің  экс-директоры Берік Құрамысов  қала тұрғыны Максим Чуесенкодан қалалық бейіттегі Даңқ аллеясына жерленген әкесі моласының қоршауын кішірейтпеу үшін 200 мың теңге пара сұраған. Максим оған келіскен болады да, оны полицияға хабарлайды. Б.Құрамысов өзінің кабинетінде ұсталады. Одан 200 мың теңге мен тағы да 15200 доллар табылады. Сотта Құрамысов кінәсін мойындады. Сот оған алған парасынан 60 есе артық айып салды, Яғни енді ол 12 миллион теңге айып пұл төлейді, сонымен қатар кабинетінен табылған 15200 доллар ақша да мемлекет пайдасына тәркіленді. Ең бастысы, сот шешімімен енді Құрамысовқа мемлекеттік қызмет есігі мәңгі жабылды. Нәзира Жәрімбетова. Дерек, сурет: ng.kz