Қызылорда облысында басқарма басшысы тағайындалды

АСТАНА. 10 ақпан. Қызылорда өңірінің басшысы Қырымбек Көшербаевтың өкімімен Бахытжан Әбдіқалықұлы Сайлыбаев облыстық білім басқармасының басшысы болып тағайындалды. Бұл туралы «ҚазАқпарат» хабарлады. Б.Сайлыбаев 1955 жылы Қызылорда облысы Жаңақорған ауданында туған. Н.В.Гоголь атындағы Қызылорда педагогикалық институтын математика пәнінің мұғалімі мамандығы бойынша бітірген. Педагогика ғылымдарының докторы. Еңбек жолын 1976 жылы орта мектеп мұғалімі ретінде бастаған ол 1981-1993 жылдары аралығында Н.В.Гоголь атындағы педагогикалық институтының оқытушысы, аға оқытушысы, 1993-2011 жылдары аралығында Қорқыт Ата атындағы Қызылорда мемлекеттік университетінің бастауыш білім берудің педагогикасы мен әдістемесі кафедрасының меңгерушісі, оқу-әдістемелік басқармасының бастығы, оқу-әдістемелік жұмыстар жөніндегі проректоры, бірінші проректоры, 2011-2012 жылдары ішінде Х.Досмұхамедов атындағы Атырау мемлекеттік университетінің бірінші проректоры қызметтерін атқарған. 2013 жылдан осы кезге дейін Қызылорда облысының білім басқармасы басшысының орынбасары қызметін атқарып келген. Жолдыбай Базар. Дерек, сурет: «ҚазАқпарат».