Облыстық ПД-ның бастығы Ерлан Файзулиннің айтуынша, аталған жоба аясында өңірде жергілікті билік өкілдері мен діни қызметкерлер, ауыл ақсақалдарынан құралған комиссия ауыл-ауылды аралап саламатты өмір салтын насихаттап жатыр. Сондай-ақ, волонтерлер, БАҚ өкілдері мен белсенді азаматтар алкоголь өнімдерін сататын сауда орындарын қадағалауға алған.
«Аталған жоба саламатты әрі қауіпсіз орта құруды көздейді. «Мәдени қоғам» жобасы аясында Қостанай облысы нашақорлық пен алкогольді ішімдіктен ада мәдени қоғам қалыптастыруға жақсы қадам жасап жатыр», деді Қостанай облысы Полиция департаментінің бастығы Ерлан Файзуллин.
