Фото: Ерлан Омар
«2017 жылдан бері ең төменгі көрсеткіш тіркеліп отыр. Сол кезде 2017 жылдың алғашқы екі айында 33,6 миллион операция болған. Сонымен қатар, карталардың саны қазіргі және 2017 жылмен салыстырғанда айтарлықтай өзгерген. 2017 жылдың 1 наурызында Қазақстандағы карталар саны 16 миллионнан аз болған, ал 2025 жылдың 1 наурызында бұл көрсеткіш 81 миллионнан асып отыр», делінген хабарламада.
Айта кетейік, пайдаланылған карталар саны да өскен, бірақ екі кезеңдегі айырмашылық бірдей. Атап айтсақ 2017 жылы бұл көрсеткіш 8,3 миллион болса, 2025 жылы – 41,8 миллионға жеткен.
2025 жылдың қаңтар-ақпан айларында қолма-қол ақша алу операцияларының жалпы сомасы 3,9 триллион теңгеге жеткен. Бұл номиналды түрде 2024 жылдың осындай айларымен салыстырғанда 6%-ға көп, бірақ тұтыну бағаларының өсуін ескергенде іс жүзінде аздап төмендеу байқалған.
Сондай-ақ, Бірінші Кредиттік Бюро 2025 жылдың ақпан айында қолма-қол ақшасыз транзакциялардың саны 13,7%-ға өсіп, 1 миллиард операцияға жетіп, ал көлемі 21,4%-ға ұлғайғанын мәлімдеді. 2025 жылдың алғашқы екі айында қолма-қол ақшасыз транзакциялардың жалпы саны 2 миллиардқа жуық болып, бұл 14%-ға көп болған. Олардың сомасы 25,9 триллион теңгені құрап, номиналды түрде 23%, ал инфляцияны ескергенде 12% өскен.
