фото: pavon.kz
Ертіс өзені арқылы өтетін автокөлік көпірінде жөндеу жұмыстарының жүргізілуіне байланысты 11 сәуірге дейін жеңіл автокөліктер үшін қозғалыс шектелді.
«Павлодар - Астана» автокөлік жолының маңызды бөлігі - Ертіс өзенінен өтетін көпір үстіндегі жол жабынын жөндеуге байланысты 8 сәуірден бастап көпірде жеңіл көліктерге уақытша шектеу қойылды. 11 сәуірге дейін көпір үстінде реверсивті қозғалыс күшінде болады. Ал қоғамдық көлік бұрынғы тәртіппен қатынай береді. Жеңіл автокөліктер үшін қозғалыс Кенжекөл ауылы жағынан ашық болады. Келтірілген қолайсыздықтар үшін кешірім сұраймыз және жол жүру бағытыңызды алдын ала жоспарлауыңызды сұраймыз», деп хабарлады «ҚазАвтоЖол» АҚ-ның өңірлік филиалынан.
Аталған ескі көпірдің пайда болғанына 60 жылдан астам уақыт өткен. Өткен жылдан бастап жаңа көпірдің құрылысы қолға алынып, ол ескі көпірдің дәл жанынан тұрғызыла бастады. Құрылыстың құны - шамамен 79 млрд теңге.
