Фото: Атырау облыстық ТЖД
Атырау облыстық төтенше жағдайлар департаментінің имидждік жұмыс және сыртқы коммуникациялар тобының ақпаратына қарағанда, бойжеткенді Жайық өзенінен іздеу қайта жалғасты.
«Із-түзсіз жоғалған бойжеткен Яна Легкодимованы Жайық өзенінен іздестіру жұмысы 20 наурызда қайта басталды. Содан бері сүңгуірлер су астында 138 рет барлау жасалды. Су астында 21 мың 70 шаршы метр аумақ қаралды. Жайық өзенінде ұзындығы 3,4 шақырым су түбінде тралдау жүргізілді. Оны іздеуге 23 қызметкер, 5 техника, 7 жүзу құралы тартылды», деп мәлімдеді департаменттің имидждік жұмыс және сыртқы коммуникациялар тобынан.
Атырау қаласының тұрғыны Яна Легкодимова былтырғы 18 қазанда түнгі сағат 22:00 шамасында үйінен шығып кеткен. Ол 2001 жылы дүниеге келген.
