Аудандық прокуратура қызметкерлері жүргізген зерделеу жұмысының нәтижесінде жергілікті атқарушы орган қызмет көрсетудің тиісті деңгейін қамтамасыз етпегені анықталған.
«12.02.2025 жылы аудан әкімдігінің жұмыспен қамту және әлеуметтік бағдарламалар бөлімі «мүмкіндігі шектеулі адамдарды тасымалдау қызметін көрсету бойынша» шарт жасасып, онда инватакси тек жұмыс күндері және 8 сағат ішінде жұмыс істейтінін көрсеткен. Мұндай шарт талаптары қолданыстағы заңнамаға қайшы келеді және мүгедектігі бар адамдардың құқығын бұзуға әкеп соғады», делінген облыстық прокуратураның баспасөз қызметі таратқан мәліметте.
Дерекке сенсек, прокурорлық қадағалау актісінің нәтижесінде инватаксидің жұмыс кестесі қайта қаралып, заң талабына сәйкестендірілген. Енді демалыс және мереке күндерін қоса алғанда, қызмет тәулік бойы қолжетімді. Осылайша прокурорлар ауданддың ерекше қажеттілігі бар 2 мыңнан астам азаматының құқығын қорғап қалды. Ал, заңға шекеден қараған лауазымды азамат тәртіптік жауапкершілікке тартылды.
