АСТАНА. 6 мамыр. Түнде УЕФА Чемпиондар лигасының жартылай финалдық бәсекесі басталды. Италияның Турин қаласында жергілікті «Ювентус» Мадридтің «Реалын» қабылдап, 2:1 есебімен жеңіске жетті. Бұл туралы egemen.kz хабарлады.
Ойын тең дәрежеде өрбіді. Алғашқы таймда испандардың басымдығы байқалғанымен, кездесудің екінші бөлігінде алаң иелері белсенділік танытты. Матч барысында қос команда да 12 мәрте қақпаға соққы жасап көрді. Ал тура соққы жөнінен «Ювентус» басым түсті (7:3). Допқа иелік ету көрсеткіші бойынша мадридтіктер сәл ғана басымдық танытты (52% – 48%). 90 минуттың ішінде италиялықтар бір-ақ рет бұрыштан допты ойынға қосса, «Реал» ойыншылары мұндай мүмкіндікке 5 мәрте ие болды.
Қос команда арасындағы қарымта кездесу 13 мамырда Мадридте өтеді. Бүгін түнде жартылай финалдың екінші жұбы «Барселона» мен «Бавария» алғашқы ойындарын өткізетінін айта кетейік.
Еламан Қоңыр.
Дерек: egemen.kz.
Сурет: championat.com.
«Ювентус» (Турин, Италия) – «Реал» (Мадрид, Испания) 2:1 (1:1)
5 мамыр. Турин. «Ювентус» стадионы. 41 254 көрермен.
Төреші: Мартин Аткинсон (Англия).
«Ювентус»: Джанлуиджи Буффон, Штефан Лихтштайнер, Патрис Эвра, Леонардо Бонуччи, Джорджо Кьеллини, Андреа Пирло, Клаудио Маркизио, Артуро Видаль, Стефано Стураро (Андреа Барцальи 64), Карлос Тевес (Роберто Перейра 86), Альваро Мората (Фернандо Льоренте 78).
«Реал»: Икер Касильяс, Даниэль Карвахаль, Марсело, Пепе, Рафаэль Варан, Серхио Рамос, Тони Кроос, Иско (Хавьер Эрнандес 63), Хамес Родригес, Гарет Бэйл (Хесе 86), Криштиану Роналду.
Голдар: Альваро Мората 8, Карлос Тевес (пенальти) 57 – Криштиану Роналду 27.
Ескертулер: Леонардо Бонуччи 5, Карлос Тевес 46, Артуро Видаль 56, Джорджо Кьеллини – Марсело 57, Даниэль Карвахаль 75, Хамес Родригес.
