Жарқын болашаққа сара жол

Еліміз үшін маңызды болған саяси науқанда Елбасымыз Нұрсұлтан Назарбаевтың айқын басымдықпен жеңіп шығуы Қазақстан халқы үшін зор мәртебе болды. Біздің жарқын жеңісіміз – көшіміздің түзу, көкжиегіміздің шуақты, бағытымыздың дұрыс екенін тағы бір айғақтай түсті. Елдің тілегімен өткен, тағы­лы­мы тарихымызға енген сайлау­дың нәтижесі – төккен тер, еткен еңбектің бағасы деп біле­мін. Күні кеше ғана қалың халық­тың қатысуымен елордамызда Ел­басымызды ұлықтау рәсімі сал­танатты түрде аталып өтті. Еліміздегі тұрақтылықты көзінің қарашығындай сақтап отырған Елбасына қандай құрмет көрсет­се де артық емес. Егемен­дік алған­нан бастап халқының бақытты өмірі, баянды болашағы үшін бар қажыр-қайратымен еселі еңбек етіп келе жатқан Елбасы тағы да иығына батпан жүк артып, елдің жарқын болашағын қай­ыспай көтеруге белді бекем буды. Тағдыры тұтас, тілегі ұқ­­­­­сас­ Қа­зақстан халқының басын бір ша­ңырақ астына біріктіріп отыр­­­ған Елбасының сарабдал сая­саты қашанда біздің еліміз үшін бағ­даршам іспеттес. Нұрсұлтан Әбіш­ұлының еселі еңбегі, төккен терінің арқасында біздің ел бүгінде көзді ашып-жұмғанша әлеуеті асқан, дәулеті тасқан, іргесі берік, беделі зор айбынды елге айналды. Осындай зор еңбектің өтеуі ретінде Қазақстан халқы тағы да Елбасына зор сенім артып, таңдау жасады. Ізгілік нұрын шашқан Астана­ның төрінде өз Президентін ұлық­тап, бейбітшілік пен келі­сімнің киелі кілтін ұсынды. «Көп тілегі – киелі, жұрттың сөзі – уәлі»дегендей, Елбасының ақ киіз­­­дің үстінде тұрып, аманатқа адал­дық, сертке сенімділік танытып, халық алдында қабылдаған анты бізді рухтандырды. Бүгінде біздің бағдарымыз – айқын, ендеше, болашағымыз – жарқын! Біз Елбасымен кемел келешегіміздің берік іргесін бірге қалаймыз! Нұрбақыт ҚАБДІКӘРІМОВА, Социалистік Еңбек Ері, Қарқаралы ауданының құрметті азаматы. Қарағанды облысы, Қарқаралы ауданы.