АЛМАТЫ. 6 мамыр. Нидерландының белгілі KLM әуе компаниясының жолаушылар ұшағы Алматы әуежайына төтенше жағдайда қонды. Бұл туралы Upin the Sky ақпаратына сүйеніп, tengrinews.kz хабарлады.
Бангкоктан Амстердамға бағыт алған Boeing 777 жолаушылар ұшағы жолай төтенше жағдаймен Алматы әуежайына қонды. Жолаушылар ұшағы медициналық көмек алу үшін аялдаған деген ақпарат бар. Алайда, оның жай-жапсары туралы нақты мәлімет жоқ.
Шетелдік ұшақ Алматы әуежайында бір сағаттай кідірген соң, өз бағытымен ұшып кетті.
Талғат Сүйінбай.
Дерек: tengrinews.kz
Сурет:flightradar24.com.
