Нұржан Сұбханбердин «Казкомбанк» директорлары кеңесінің құрамынан шықты

АЛМАТЫ. 6 мамыр. Нұржан Сұбханбердин «Казкоммерцбанк» АҚ директорлар кеңесі құрамынан өз өтініші бойынша шықты. Бұл туралы tengrinews.kz хабарлады. Еліміздегі аса ірі банктің бүгінге дейінгі құрылтайшысы әрі оның негізін қалаудағы зор еңбегі үшін банк акционерлері Нұржан Сұбханбердинге алғыс айтты. Ол банкке алғаш құрылған 1991 жылдан бері басшылық жасады. Банктің директорлар кеңесінің төрағасы Марк Хольцман: «Нұржан Сұбханбердинмен 20 жылдан бері таныспын. Біздің достығымыз кәсіби саладағы қарым-қатынасқа ұласты. Мен Нұржанға банктің аса ірі акционері ретінде әрқашан да арқа сүйейтін боламын», – деді. Талғат Сүйінбай. Дерек, сурет: tengrinews.kz.