ПАВЛОДАР. 13 ақпан. Павлодарда «Жас Отан» жастар қанатының ұйымдастыруымен «OpenDance» би байқауы болып өтті. Бұл туралы egemen.kz тілшісі хабарлады.
«Жас Отан» жастар қанаты орталығының жастарға арналған жобаларды қолдау бөлімінің үйлестірушісі Айдана Ертайдың айтуынша, жастардың бос уақыттарын биге, өнерге, спортқа, кітап оқуға бөлу үшін түрлі осындай жобалар жоспарлануда. Мақсаты – жастарды салауатты өмір салтына, би өнеріне, спортқа бейімдеу.
Қазылар алқасы байқауға қатысушыларды орындаушылық шеберлігі, бидің композициялық құрылымы, сахналық көрінісі, көркемдік хореографиялық образды ашу деңгейі бойынша бағалады. Би байқауына «StreetWorkout» тобының бишілері келіп өнер көрсетті. Әділқазылар алқасының шешімімен «Соло» номинациясында «NorthEast» би студиясының мүшесі Рустам Жанаев, «топтық» номинацияда «JamFamily» би тобы жеңіске жетті.
Фарида Бықай.
Дерек, сурет: egemen.kz.
