Фото: egemen.kz/ Ерлан Омар
Индекстің әдістемесі 56 индикатор, төрт бағыт бойынша жүргізіледі: «Бала», «Отбасы және қоғам», «Мемлекеттік саясат» және «Елдің әл-ауқаты». Олар денсаулық сақтау, білім беру, әлеуметтік қолдау, дамуға жағдай жасау және бала тәрбиелеп отырған отбасылардың жалпы өмір сүру деңгейі сияқты негізгі салаларды қамтиды.
Министрлік көрсеткіштің өсуін алдын алу және ақпараттық түсіндіру шараларының артуымен байланыстырып отыр. Мәселен, 2024 жылдың басынан еліміздің барлық мектептерінде балалардың құқықтық сауаттылығын арттыру, құқықтық диалог мәдениетін дамыту және құқықтарды қорғау жүйесіне сенімдерін нығайту мақсатында «Мен өз құқығымды білемін» ақпараттық айдары іске қосылған.
Ал әлеуметтік зерттеулер нәтижесінде оқушылардың басым бөлігі құқықтарын білетінін және олар бұзылған жағдайда қайда жүгіну керек екенін жақсы түсінетінін көрсеткен.
Айта кетейік, балалар әл-ауқаты индексі - Мемлекет басшысының тапсырмасымен үш жыл бұрын енгізілген елдегі бала жағдайын бағалаудың стратегиялық құралы.
