Жаңа құралдармен таныстырды

Қазіргі уақытта Астананың алдыңғы қатарлы медициналық мекемелері соңғы технологиялар бойынша әзірленген жаңа құрал-жабдықтармен жабдықталып жатқандығы белгілі. Соның бірі – «Травмотология және ортопедия ғылыми-зерттеу институты» РМК. Жуықта бұл институтта дене жара­қат­тарын алған немесе туа біткен кемтар науқастарды ем­деп жазуға арналған жаңа медициналық құрал-жаб­дық­тардың таныстырылымы және осы оқиғаға арналған журналис­термен баспасөз мәслихаты болып өтті. Бұл құрал-жабдықтар «Самұрық-Қазына» қорының қаржылай қолдауымен сатып алынған екен. – Қазір осындай жаңа тех­нологияға ие болуымыздың нә­ти­жесінде жұмысымыз біршама алға басты. Омыртқалары за­қым­­данған науқастарды да ем­деу мүмкіндігіне ие болдық. Осы­­­ған байланысты соңғы кез­­дері бізге келіп омыртқа кінә­рат­­тарынан айыққан адам­­дар саны артуда, – деді осы мә­се­ле жөнінде әңгіме қозға­ған инс­титут директоры, «Трав­мото­логтар мен орто­пед­тер­дің қа­зақстандық ассоциа­ция­сының» төрағасы Нұрлан Батпенов. Баспасөз мәслихатында елі­мізде жыл сайын 250-ге тарта адамның өз дене құры­лыс­тарын түзету үшін жоғары сапа­лы медициналық көмек пен ота жасауды қажет ете­тіндігін, олардың 210-ы бала­лар мен жасөспірімдер еке­нін білдік. Енді, міне, ChM, Med­tronic, Expedium секілді ком­паниялардың жасап шығар­ған дене түзету құрал-жабдық­тарының нәтижесінде осы проблема шешімін таппақ. Нұрлан Батпенов осы жағ­дайларды айта келе осындай бағалы құралдарға қол жеткізуге көмек жасаған «Самұрық-Қа­зына» қорына үлкен алғысын білдірді. Сұңғат ӘЛІПБАЙ, «Егемен Қазақстан».