Фото: olympic.kz
Махмұд Сабырхан биыл қыркүйекте Англияның Ливерпуль қаласында өткен бокстан әлем чемпионатында алтын медаль жеңіп алған еді. 55 келіде ел намысын қорғаған былғары қолғап шебері мексикалық боксшы Брайан Ортисті, косоволық Башким Байокуды, жапондық Руи Ямагучиді, қытайлық Лю Чуанды, испаниялық Рафаэль Лозаноны қапы қалдырған еді.
Айта кетейік, осы әлем біріншілігінде Қазақстан ерлер және әйелдер құрамасы жеті алтын жеңіп алып, жалпы командалық есепте көш бастаған еді.
World Boxing нұсқасы бойынша ерлер арасында «Жылдың үздік боксшысы» аталымында Махмұд Сабырханнан бөлек өзбекстандық Фазлидин Еркинбоев, Жавохир Умматалиев, бразилиялық Луиз Оливейра мен Юрий Фалкао бар.
Махмұд Сабырхан кәсіби бокста да бағын сынап көрген. Осы бағыттағы алғашқы жекпе-жегін Астанада өткізіп, вьетнамдық Дак Хайнхомды екінші раундта техникалық нокаутпен жеңді.
