Фото: Қорғаныс министрлігі
Қарулы күштердің әскери топографтары автоматтандырылған жүйелер мен үшөлшемді модельдеу технологияларын белсенді түрде енгізіп, цифрлы ұрыс алаңын жасақтайды. Олар әскерді жер бедері туралы нақты әрі сенімді ақпаратпен қамтамасыз етеді. Оқу-жаттығулар мен күнделікті қызмет барысында қолданылатын топографиялық, теңіз және арнайы карталарды, сондай-ақ қала жоспарларын дайындау да әскери топографтардың міндетіне енеді.
Нақты уақыт режиміндегі автоматтандыру жүйелерін енгізу аса маңызды ақпаратты жеткізу мерзімін едәуір қысқартуға мүмкіндік беріп отыр. Жер бедері туралы цифрлы деректер Қарулы күштердің барлық түрі мен әскер тектері басқару жүйелерімен жедел біріктіріліп, нысаналарды анықтауға, міндеттер қоюға және әскер мен техниканың жай-күйін бақылауға жағдай жасайды.
«Ашық есік» күні: Ата-аналар әскердегі ұлдарының жағдайымен таныса алады
Дамудың маңызды кезеңі ретінде виртуалды шындық технологияларын қолдану және объектілердің үшөлшемді модельдерін жасау. Бұл шешімдер басқару органдарына жағдайды қашықтан жан-жақты талдауға мүмкіндік беріп, әсіресе қалалық құрылыс жағдайында іс-қимылдарды дәл жоспарлауға үлес қосады.
«2025 жылдан бастап топографиялық қызмет мамандары нақты координаттары бар тұрақты геодезиялық пункттер жиынтығынан тұратын арнайы геодезиялық желілерді қалпына келтіру және дамыту жұмыстарын бастады. Мұндай кеңістіктік негіз жоғары дәлдікті қаруды нысанаға алу және бөлімшелердің іс-қимылын тиімді үйлестіру үшін қажет», делінген Қорғаныс министрлігі таратқан хабарламада.
66 кадет қызылша жұқтырды: Көкшетаудағы әскери колледжде карантин енгізілді
Айта кетейіу, әскери топографтардың кәсібилігі заманауи цифрлы технологиялармен ұштасып, ұрыс алаңының сенімді негізін қалыптастырып, әскердің іс-қимылындағы дәлдік, үйлесімділік пен қауіпсіздікті арттыруға ықпал етеді.
