Атырау облысының жұртшылығы «Қазақстан халқы Ассамблеясы-20 игі іс» республикалық эстафетасының символына айналған Тайқазанды қошеметпен қарсы алды.
Облыс әкімінің орынбасары Шыңғыс Мұқанның айтуынша, аталған эстафета бастау алғалы бері Атырауда бірнеше жаңа игі істер қолға алынды. Нақтылай айтқанда, 60-қа жуық қайырымдылық шарасы өтіп, одан 7 миллион теңгеге жуық қаражат жиналды. Сөйтіп, өңірдегі Ұлы Отан соғысының ардагерлері мен майданда қаза тапқандардың отбасыларына, аз қамтылған және көпбалалы отбасыларға әлеуметтік көмектер берілді.
Аталған шара Құрманғазы атындағы мәдениет үйінде «Шексіз талант» қайырымдылық концертімен жалғасын тапты. Оған өңірдегі 17 этномәдени бірлестіктің өнерлі мүшелері, сондай-ақ, мүмкіндігі шектеулі болса да өнерді жанына серік еткен жандар белсене атсалысты. Әсіресе, арбаға таңылған жандардың биі жұртшылықтың ерекше ықыласына ие болды. Сонымен бірге, Берекет Ақжігітов, Бақыт Сәлиев сынды мүмкіндігі шектеулі жандардың қолынан шыққан туындыларға қызығушылық танытылды. Бұлардың барлығына мұнайшылар атынан сый-сияпат көрсетілді.
– Тайқазан Қазақстандағы татулық пен бірліктің, ынтымақ пен берекелі тірліктің насихатшысына айналды, – деген облыс әкімінің орынбасары Шыңғыс Мұқан оны көршілес Батыс Қазақстан облысының өкілдеріне табыстады.
Жолдасбек ШӨПЕҒҰЛ,
«Егемен Қазақстан».
Атырау облысы.
Суретті түсірген
Рахым ҚОЙЛЫБАЕВ.
Облыс әкімінің орынбасары Шыңғыс Мұқанның айтуынша, аталған эстафета бастау алғалы бері Атырауда бірнеше жаңа игі істер қолға алынды. Нақтылай айтқанда, 60-қа жуық қайырымдылық шарасы өтіп, одан 7 миллион теңгеге жуық қаражат жиналды. Сөйтіп, өңірдегі Ұлы Отан соғысының ардагерлері мен майданда қаза тапқандардың отбасыларына, аз қамтылған және көпбалалы отбасыларға әлеуметтік көмектер берілді.
Аталған шара Құрманғазы атындағы мәдениет үйінде «Шексіз талант» қайырымдылық концертімен жалғасын тапты. Оған өңірдегі 17 этномәдени бірлестіктің өнерлі мүшелері, сондай-ақ, мүмкіндігі шектеулі болса да өнерді жанына серік еткен жандар белсене атсалысты. Әсіресе, арбаға таңылған жандардың биі жұртшылықтың ерекше ықыласына ие болды. Сонымен бірге, Берекет Ақжігітов, Бақыт Сәлиев сынды мүмкіндігі шектеулі жандардың қолынан шыққан туындыларға қызығушылық танытылды. Бұлардың барлығына мұнайшылар атынан сый-сияпат көрсетілді.
– Тайқазан Қазақстандағы татулық пен бірліктің, ынтымақ пен берекелі тірліктің насихатшысына айналды, – деген облыс әкімінің орынбасары Шыңғыс Мұқан оны көршілес Батыс Қазақстан облысының өкілдеріне табыстады.
Жолдасбек ШӨПЕҒҰЛ,
«Егемен Қазақстан».
Атырау облысы.
Суретті түсірген
Рахым ҚОЙЛЫБАЕВ.
