Бұл ескерткіш облыс орталығындағы «Қазақстан электролиз зауыты» АҚ негізінде Еуразиялық топтың (ERG) «Батырлар жолымен» халықаралық патриоттық жобасы аясында Псков облысы Новоржев қаласында ашылды.
Павел Дубовой біздің облыстағы Ақтоғай ауылында туған. Соғыс кезінде №115 Холм дивизиясы №292 атқыштар полкінің жауынгерлерімен бірге панфиловшы батырлардың ерлігін қайталады.
– Павел панфиловшылар біздің жерлестеріміз. Жаудың бетін қайтаруға біз бірінші болып барамыз! – дегенде оған оралдық Мақарым Көбегенов, рота командирі Григорий Дуда басқа жауынгерлер қосылды, – деп әңгімелейді Дубовойдың жиені Надежда Фурманова.
Алған беттен қайтпаған жауынгерлер 1944 жылдың 7 наурызында аттанып, түні бойы биіктікті алу үшін шайқасады. Өздері де ерлікпен қаза табады. Бұл ерлікті Новоржев қаласында Павел Дубовой мүсінінің ашылуына орай батырдың туысқандары мен жерлестері, қала жұртшылығы жиналып тағы бір сәт еске алды. Қала басшысы Михаил Пашков Еуразиялық топтың «Батырлар жолымен» – «Дорогой славы» атты халықаралық патриоттық жобасына алғыс білдірді.
– Қалада Павел Дубовой атында көше бар. Бүгінде өздері жаудан қорғап қалған Бородин биіктігіндегі ескерткіште оның есімі ойылып жазылыпты. Мүсін авторы – ресейлік суретші Борис Сергеев. Ескерткіш Смоленск қаласының түсті металл құю цехында құйылған, – дейді бұл күнде соғыс өрті өткен жерге барып қайтқан делегация мүшелері. Бұдан әрі делегация мүшелері Бородино биіктігіне, сонымен қатар, бауырластар зиратына барып тағзым етіпті. Бауырластар зиратында Дубовоймен бірге мүрдесі жатқан оралдық жауынгер Мақарым Көбегеновке халықаралық патриоттық жоба аясында ескерткіш тақта орнатылды.
Фарида БЫҚАЙ, «Егемен Қазақстан».
ПАВЛОДАР.
– Павел панфиловшылар біздің жерлестеріміз. Жаудың бетін қайтаруға біз бірінші болып барамыз! – дегенде оған оралдық Мақарым Көбегенов, рота командирі Григорий Дуда басқа жауынгерлер қосылды, – деп әңгімелейді Дубовойдың жиені Надежда Фурманова.
Алған беттен қайтпаған жауынгерлер 1944 жылдың 7 наурызында аттанып, түні бойы биіктікті алу үшін шайқасады. Өздері де ерлікпен қаза табады. Бұл ерлікті Новоржев қаласында Павел Дубовой мүсінінің ашылуына орай батырдың туысқандары мен жерлестері, қала жұртшылығы жиналып тағы бір сәт еске алды. Қала басшысы Михаил Пашков Еуразиялық топтың «Батырлар жолымен» – «Дорогой славы» атты халықаралық патриоттық жобасына алғыс білдірді.
– Қалада Павел Дубовой атында көше бар. Бүгінде өздері жаудан қорғап қалған Бородин биіктігіндегі ескерткіште оның есімі ойылып жазылыпты. Мүсін авторы – ресейлік суретші Борис Сергеев. Ескерткіш Смоленск қаласының түсті металл құю цехында құйылған, – дейді бұл күнде соғыс өрті өткен жерге барып қайтқан делегация мүшелері. Бұдан әрі делегация мүшелері Бородино биіктігіне, сонымен қатар, бауырластар зиратына барып тағзым етіпті. Бауырластар зиратында Дубовоймен бірге мүрдесі жатқан оралдық жауынгер Мақарым Көбегеновке халықаралық патриоттық жоба аясында ескерткіш тақта орнатылды.
Фарида БЫҚАЙ, «Егемен Қазақстан».
ПАВЛОДАР.
