Мәжіліс Төрағасы Қабиболла Жақыпов Ресей Федерациясының Қаржылық мониторинг жөніндегі федералды қызметінің басшысы Ю. Чиханчинді қабылдады, деп хабарлады Мәжілістің баспасөз қызметі.
Қ.Жақыпов Ресей Қазақстанның стратегиялық әріптесі екенін сөз ете келіп, екі ел басшылары келісімдерінің арқасында ынтымақтастықтың жыл сайын қарқын алып келе жатқанын атап өтті.
Өз кезегінде Ю.Чиханчин екі ел әріптестігінің болашағы зор екенін, Қазақстан Президенті ұсынған 5 институттық реформаның біздің еліміздің дамыған 30 елдің қатарына кіру жолындағы нақты қадам-
дардың бірі екенін атап өтті.
Қ.Жақыпов пен Ю.Чиханчин қос мемлекеттің экономикалық қауіпсіздігін қамтамасыз ету мәселелеріне айрықша көңіл бөліп, осы саладағы нормативтік-құқықтық базаны одан әрі жетілдірудің маңыздылығына тоқталды.
Мәжіліс Төрағасының атап өткеніндей, Қазақстанда 2009 жылдан «Қылмыстық жолмен алынған кірістерді заңдастыруға (жылыстатуға) және терроризмді қыржыландыруға қарсы іс-қимыл туралы» Заң қолданысқа енгізілген.
Қазіргі уақытта Мәжілісте осы заңға түзетулер енгізуді көздейтін, сондай-ақ, мемлекеттік аудит пен қаржылық бақылауға қатысты заң жобаларымен жұмыс жалғасуда. Сондықтан, тараптар өзара тәжірибе алмасып, осы бағытта сапалы заң жобаларын дайындауға ерекше назар аударатын болады.
Кездесуге, сондай-ақ, Мәжіліс Төрағасының орынбасары Дариға Назарбаева, Қаржы және бюджет комитетінің төрайымы Гүлжан Қарағұсова қатысты.
