Кіріс комитетінің басшылығымен кездесті

Парламент Сенаты Қаржы және бюджет комитетінің төрағасы Рашит Ахметов бастаған комитет мүшелері салық салу және кедендік әкімшілендіру мәселелері бойынша Қаржы министрлігі Мемлекеттік кіріс комитетінің төрағасымен кездесті, деп хабарлады Сенаттың баспасөз қызметі. Салық салу және кедендік әкім­шілендіру жөніндегі Прези­дент Нұр­сұлтан Назарбаев алға қой­­­ған­ міндеттер аясында тал­қы­лау­дың­ маңыздылығын айтқан­­ Р.Ах­метов салық салу және ке­­дендік әкімшілендіру ісі мем­ле­кеттік кіріс органдары жүзеге асыра­тын ұйым­дастыру-құқықтық және бас­қа да іс-қимыл мен шара­лары­ның жиын­тығы екенін атап кетті. Сенатор мемлекеттің ха­лықпен және бизнеспен өзара іс-қимылы жүзеге асырылатын ең айқын әлеуметтік сала екенін айта келіп, белгілі бір жетіспеушіліктер мен олқылықтар салық түсімдерінің, кедендік және бюджетке төленетін басқа да міндетті төлемдердің азаюына, салық және кедендік құқық бұзушылықтардың ұлғаюына, солардың салдарынан еліміздің экономикасына теріс әсерін тигізуі мүмкін екенін атап өтті. Кездесуде Мемлекеттік кіріс комитетінің төрағасы Дәулет Ер­ғожин сөз сөйлеп, комитеттің 2014 жылғы қызметінің негізгі қоры­­тын­дылары және биылғы жыл­ға жос­пары туралы хабардар етті. Кездесу қорытындысында Д.Ерғожин әкімшілендірудің биз­неске ауыртпалықтарын азай­­ту, салық әкімшілендіруі, са­лық төлеуден жалтаруға қар­сы ха­лық­аралық тәжірибені еліміз­де қол­дану, оффшорға шыға­рылған ақша қар­жысын анық­тау шаралары, кө­леңкелі айна­лымды болдырмау, Кеден одағы аясындағы құқық­тық әкімші­лендіру, салық салу қызметін жетілдіру, каме­ралық бақылау