Дмитрий Сычёв бүгін Қазақстан клубына ауысуы тиіс

АСТАНА. 10 наурыз. Мәскеудің «Локомотив» командасының шабуылшысы Дмитрий Сычёв бүгін Қазақстан футбол клубтарының бірімен келісімшартқа отырады. Бұл туралы «Спорт-Экспресс» хабарлады. «Қазақстандағы бір клубпен келіссөз жүріп жатыр. Бәрі сейсенбі күні кешке белгілі болады деп ойлаймын. Әңгіме оны қараша айына дейін жалға беру турасында болып отыр «Қазақстанда чемпионат «көктем – күз» жүйесі бойынша өтеді», - деп келтірді «Спорт-Экспресс» теміржолшылардың спорттық директоры Кирилл Котовтың сөзін. Еске сала кетейік, Дмитрий «Локомотив» сапында 2004 жылдан бері ойнап келеді. Спортшы 2013 жылы Минскінің «Динамосына», 2014 жылы Нижегородтың «Волгасына» жалға берілді. Дмитрий Сычёв 1983 жылғы 26 қазанда Омбы қаласында туған. 2002-2010 жылдары Ресей құрамасы сапында ойнады. Ол құрамамен бірге 2008 жылы Еуропа чемпионатының қола жүлдегері атанды. Ресейдің 2004 жылғы чемпионы. Сол жылы Ресейдің ойыншылар сауалдамасы бойынша да, журналистер сауалдамасы бойынша да ең үздік футболшысы болды. 2008 жылы Ресей спортына еңбегі сіңген шебер атағын алды. Дамир Қожамқұл.