АСТАНА. 11 наурыз. Бүгін түнде ойналған Чемпиондар лигасының 1/8 финалдық екі қарымта ойыны ширек финалға шыққан алғашқы екі команданы анықтады. Бұл туралы egemen.kz хабарлады.
Мамандар алдын ала болжағандай, бұл екі орын алаң иелері – «Порту» мен «Реал» (Мадрид) командаларына бұйырды. Бұған бұл екі ұжымның 18 ақпан күні ойналған алғашқы ойынды сәтті аяқтағандары да себеп болды. Атап айтқанда, «Порту» Швейцарияда «Базельмен» кездесуде 1:1 деген тең есепке қол жеткізсе, «Реал» Германияда «Шалькені» 2:0 есебімен ұтып қайтқан еді.
Портудағы матч алаң иелерінің 4:0 есебімен ұтуымен мәреге жетті. Бүкіл ойын бойына португалдар шынында басым ойнады. Мұны біз ойын алдындағы болжамда айтқан да болатынбыз. Сол сияқты Мадридтегі шайқастың тартыспен өтетінін де біз мәлімдеген едік. Оның тартысты болғаны сондай, екі жақтағы қақпаға 7 доп түсті. Бірінші тайм 3:3 деген нәтиже көрсетті. Қарсыластар оны тең бөліп соқты. Ал екінші таймда меймандар сапынан Хунтелар тағы бір гол соғып, дубль жасады. Сөйтіп, немістер 4:3 есебімен жеңіске жетті. Бірақ бұл олардың келесі кезеңге шығуына жеткіліксіз болды.
Осы ойындардың қорытындысында Криштиану Роналду екі гол салып, Еурокубоктарда соққан доптары саныан Лионель Месси мен Раульден асырды. Қазір оның есебінде 77 гол бар. Ал оның басты қарсыластары 76 доп түсіріп еді.
Бүгін, яғни 12 наурызға қараған түні «Челси» (Англия) – «Пари Сен-Жермен» (Франция), «Бавария» (Германия) – «Шахтер» (Украина) командалары кездеседі.
«Порту» (Порту, Португалия) – «Базель» (Базель, Швейцария) 4:0
10 наурыз. Порту. «Драгау» стадионы. 50 399 көрермен.
Төреші: Юнас Эрикссон (Швеция).
«Порту»: Фабиано, Данило (Бруно Мартинс Инди 22), Майкон, Иван Маркано, Алекс Сандро, Карлос Касемиро, Ясин Браими (Рубен Невеш,74), Гоэбел Эвандро, Эктор Эррера, Кристиан Тельо, Венсан Абубакар.
«Базель»: Томаш Вацлик, Вальтер Самуэль, Фабиан Шёр (Брил Эмболо, 58), Беранг Сафари, Лука Зуффи, Фабиан Фрай (Йоитиро Какитани, 63), Мохамед Эль-Ненни, Таулант Джака, Марко Штреллер, Шкельзен Гаши (Дэвид Калла, 78), Дерлис Гонсалес.
Голдар: Ясин Браими 14, Эктор Эррера 47, Карлос Касемиро 56, Венсан Абубакар 76.
Ескертулер: Иван Маркано 55 – Шкельзен Гаши 30, Дерлис Гонсалес 38, Вальтер Самуэль 49, Беранг Сафари 55.
«Реал» (Мадрид, Испания) – «Шальке-04» (Гильзенкирхен, Германия) 3:4
10 наурыз. Мадрид. «Сантьяго Бернебау» стадионы, 85 454 көрермен.
Төреші: Дамир Скомана (Словения).
«Реал»: Икер Касильяс, Рафаэль Варан, Пепе, Фабиу Коэнтрау (Марсело, 58), Альваро Арбелоа (Хосе Игнасио Начо 83), Сами Хедира (Лука Модрич, 58), Тони Кроос, Гарет Бэйл, Иско, Криштиану Роналду, Карим Бензема.
«Шальке-04»: Тимон Валленройтер, Бенедикт Хёведес, Кристиан Фукс, Матия Настич, Жоэль Матип, Максимилиан Мейер, Марко Хёгер (Леон Горцка, 57), Транкильо Барнетта (Ацуто Утида, 81) Роман Нойштедтер, Эрик Шупо-Мотинг (Лерой Зане, 29), Клас-Ян Хунтелар.
Голдар: Кристиан Фукс 20, Криштиану Роналду 25, 45+1, Клас-Ян Хунтелар 40, 84, Карим Бензема 53, Лерой Зане 57.
Ескертулер: Криштиану Роналду 31, Фабиу Коэнтрау 55.
