Мемлекет басшысы сайлауға қатысты Абайдың сөзін еске салды

АСТАНА. 11 наурыз. Астанадағы Тәуелсіздік сарайында өткен «Нұр Отан» партиясының кезекті XVI съезінде Мемлекет басшысы, партия Көшбасшысы Нұрсұлтан Назарбаев президент сайлауға қатысты Абайдың қара сөзін еске салды. Бұл туралы «ҚазАқпарат» хабарлады «Абай үшінші қара сөзінде былай дейді: Үш жылға болыс сайланады. Әуелгі жылы «сені біз сайламадық па?» деп елдің бұлданғанына жауап берумен күні өтеді. Екінші жылы кандидатпен, келесі кандидатпен аңдысып күні өтеді. Үшінші жылы «тағы да болыс болып қалуға мүмкіндік болар ма екен?» деумен күні өтеді. Абай «сонда несі қалды?» дейді. Қандай шындық! Жүз жыл бұрын айтып кеткен шындық», – деді Нұрсұлтан Назарбаев. «Сайлау құр әншейін сайлау өткізу үшін емес, елді бірлікке шақырып, жұртты еңбекке ұйыту үшін болса ғанибет», – деп түйіндеді Мемлекет басшысы. Жолдыбай Базар. Дерек, сурет: «ҚазАқпарат».