Ағылшын тілін білу мемлекеттік қызметкерге міндетті болуы тиіс

АСТАНА. 11 наурыз. Бүгін «Нұр Отан» партиясының кезекті XVI съезінде сөйлеген сөзінде Президент Нұрсұлтан Назарбаев мемлекеттік қызметкер үшін ағылшын тілін білу міндетті болуы тиіс екенін айтты. Бұл туралы «Қазақстан жаңалықтары» хабарлады. «Мемлекеттік қызметте ағылшын тілін тілін білу міндеттілік мәселесі қойылып отыр. Біртіндеп. Қазір біз мұны бірден жасай алмаймыз (ағылшын тілін меңгеруді). Бұл бір еріккен іс емес, әне, қараңыздар, қаншама трансұлттық компаниялар жұмыс жасап жатыр», - деді Назарбаев съезде сөйлеген сөзінде. Мемлекет басшысы мемлекеттік қызметке «Болашақ» бағдарламасы бойынша шет елдерде оқып келген түлектерді белсенді түрде тарту керек екенін атап өтті. «Барлық министрлер инвестиция тарту үшін (шет елдерге) шығып тұрады. Біз сондықтан олардың тілдерінде сөйлей білуіміз керек, олардың не істеп, немен шұғылданып жатқандарын білуіміз керек (...). Сондықтан мен үш тілді білу керек деп жүрмін», - деп сөзін қорытты Назарбаев. Сәкен Майлыбай.