Бірқатар заң жобалары Мәжіліске қайтарылды

Кеше Қасым-Жомарт Тоқаевтың төрағалық етуімен Парламент Сенатының кезекті жалпы отырысы өтті. Отырысты аша келіп, Төраға ЕҚЫҰ-ның Астана Саммитіне әзірлік және оның өтуіне белсенді қатысқаны үшін Мемлекет басшысы Нұрсұлтан Назарбаевтың сенаторлар Қуаныш Сұлтановқа, Әділ Ахметовке және Бақберген Досманбетовке алғысын жария етті. Отырыстың күн тәртібіне сәйкес депутаттар «Қазақстан Респуб­ли­ка­сы­ның Үкіметі мен Палестина Мем­ле­ке­ті­нің Үкіметі арасындағы Палестина Мем­лекетінің Қазақстан Республи­ка­сын­дағы Елшілігінің мұқтаждықтары үшін Астана қаласындағы офистік үй-жай­ды өтеусіз пайдалануға беру ту­ралы келісімді ратификациялау ту­ра­лы» заң жобасын қабылдады. Сондай-ақ «Қазақстан Республикасының дип­ло­матиялық қызметі туралы» Заңға өз­ге­рістер мен толықтырулар енгізу ту­ралы» заң жобасы да қабылданды. Оты­рыстағы талқыға құқық қорғау қыз­меті мен сот жүйесінің тиімділігін арт­тыру саласындағы заңнамаларды же­тілдіру туралы құжаттар топтамасы ұсынылды. Қаралып, талқыланғаннан кейін «Қазақстан Республикасының Жо­ғары Сот Кеңесі туралы»  Заңға өз­ге­рістер мен толықтырулар енгізу ту­ра­лы», «Сот приставтары туралы» Заң­ға өзгерістер енгізу туралы», «Қа­зақ­стан Республикасының кейбір заң­на­ма­лық актілеріне бизнес пен жеке меншікті заңсыз тартып алуға (рейдерлікке)  қарсы іс-қимыл мәселелері бойын­ша өзгерістер мен  толықтырулар енгізу туралы», «Қазақстан Республи­ка­сы­ның кейбiр заңнамалық актiлерiне мем­лекеттiк қызмет және сыбайлас жем­қорлыққа қарсы күрес мәселелерi бойынша өзгерiстер мен  толықты­ру­лар енгiзу туралы», «Қазақстан Рес­пуб­ликасының кейбір заңнамалық ак­ті­леріне атқарушылық құжаттарды орын­дау, республикалық  меншікке ай­нал­дырылған (түскен) мүлікті есепке алу,  сақтау, бағалау және одан әрі пайдалану жөніндегі  жұмыстарды ұйым­дас­тыру мәселелері бойынша  өзге­ріс­тер мен толықтырулар енгізу туралы» заң жобалары қабылданды. Талқылау нәтижесінде он бір заң жо­басына өзгерістер енгізіліп, олар Пар­ламент Мәжілісіне жіберілді. Сондай-ақ «Қазақстан Рес­пуб­ли­ка­сының сот жүйесі мен судьяларының мәртебесі туралы» Конституциялық заң­ға өзгерістер мен толықтырулар енгізу туралы» Конституциялық заңның  жо­басы, «Құқық қорғау қызметі ту­ра­лы» және «Қазақстан Респуб­ли­ка­сын­дағы мемлекеттік бақылау және қа­да­ға­лау туралы» заң жобаларына да өзге­ріс­тер мен толықтырулар енгізіліп, Пар­ламент Мәжілісіне жіберілді. Олар­дан басқа «Қазақстан Рес­пуб­ли­ка­сы­ның кейбір заңнамалық актілеріне  байланыс мәселелері бойынша толық­ты­рулар енгізу туралы» заң жобасын да Мәжіліске жіберу туралы шешім қа­былданды. Асқар ТҰРАПБАЙҰЛЫ.