Ортақ кеңістіктен ұтарымыз көп

Астанадағы ресейлік «Риа-Новости» агенттігінің Орталық­азия­лық өң­ірлік бөлімшесінде «Бі­рың­ғай эко­номикалық кеңістік. Құрылу мә­се­ле­лері мен келешегі» тақыры­бында  «Мәс­кеу-Астана» бей­не­кө­пі­рі болып өтті. Онда Мәс­кеуде Қа­зақ­стан, Ресей және Беларусь мемлекеттері басшы­ла­рының кез­десуінде қол қойылған БЭК туралы декларация, Кеден ода­ғы­на, БЭК-ке бай­ланысты мәсе­ле­лер тал­қыланды. Мәскеуде қойылған 13 келі­сімнің Кеден одағына біріккен үш елге әке­лер пайдасы қандай? Келісімдер тиімділігін азаматтар қа­шаннан бастап сезіне баста­мақ? Міне, осы және басқа да мә­се­ле­лерге жауап беруі үшін Қа­зақ­стан тарапынан Экономи­ка­лық даму және сауда вице-министрі Тимур Сүлейменов, Мә­жі­лістің қар­жы және бюджет комитетінің төр­айымы, депутат Гүлжан Қа­ра­ғұсова қатысса, Ресей тара­пынан ЕурАзЭҚ сауда саяса­ты­ның бас­шысы Владимир Чушкин, Ресей Думасының эко­но­ми­ка­лық саясат және кәсіпкерлік ко­митетінің төр­ағасы Евгений Фе­­доров, Постин­дустриялық қо­ғам­ды зерттеу ор­та­лығының дирек­то­ры Владислав Иноземцев қатысты. Кеден одағы мен БЭК-тің берер пайдасы туралы Елбасымыз да талмай айтып келеді. БЭК іс жүзінде тиімділігі бірден сезіле қояды деп те айту қиын, оның үстіне оған адам­дардың психологиялық тұрғыда дай­ын­дығы да керек екендігі айқын. БЭК декларациясы Қазақстан, Ресей мен Беларусь елдерінде тұрып жат­қан аза­маттардың жағдайын жақ­сартуға, со­нымен қатар, ұлттық тұр­ғыдан ғана емес, үш елге ор­тақ мүд­де тұрғы­сы­нан қарап, ор­тақ мак­ро­экономикалық саясат жүр­гізуі үш елдің әлемнің эко­но­ми­калық көшін­де алға шығуына серпім беретін болады. Венера ТҮГЕЛБАЙ.