Сайлау заңнамасын жетілдіру – күн тәртібінде

Жуырда Президент жанын­дағы Адам құқықтары жөніндегі комиссияның кеңейтілген оты­рысы болып өтті. Оны комиссия төрағасы Сағынбек Тұрсынов жүргізіп отырды. Отырыста Орталық сайлау ко­миссиясының азаматтардың Конс­титуция және «Қазақстан Рес­публикасындағы сайлау туралы» Конституциялық заңмен кепілдендірілген сайлау құқын қамта­масыз ету мәселелері қарасты­ры­лд­ы. Күн тәртібіндегі мәселе бойынша ОСК төрағасының ор­ын­басары Владимир Фоос сөз сөйледі. Баяндамада БҰҰ, ЕҚЫҰ және басқа да әлемдік ұйым­дардың белсенді мүшесі ретінде Қазақстан еркін және бәсе­ке­лесті сайлау өткізу, осы салада адам құ­қықтарын сақтау жөнін­дегі өзіне қабылдаған міндеттерді мүлтіксіз орындайды. Сайлау заңнамала­рын одан әрі жетілдіруде мемлекет азаматтардың сай­лау құқын қор­ғау мәселесіне қат­ты назар ау­даратындығы аталып өтті. Баяндамадан кейін отырысқа қатысқандар көтерілген мәселе бойынша қызу пікір алысты. Күн тәртібіндегі екінші мәсе­ле бойынша Адам құқықтары жө­ніндегі комиссияның хатшы­сы Тастемір Әбішев сөйлеп, комиссия құрамындағы Сараптау-консультативтік кеңестің құры­лымында жүргізілген өзгерістер туралы хабардар етті. Комиссия отырысының қоры­тындысында сайлау заңнама­ла­рын жетілдіре түсу бойынша Мем­­лекет басшысына, Парламентке және Үкіметке ұсыныс жа­сау жөнінде шешім қабыл­данды. Отырысқа атқарушы және сот биліктерінің өкілдері, адвокаттар, белгілі құқықтанушы ға­лымдар, халықаралық және үкі­меттік емес құқық қорғау ұйым­дарының, БАҚ өкілдері қатысты. Жақсыбай САМРАТ.