Қуанышы мол қанатты жыл

Тәуелсіз Қазақстан тарихын­дағы айрықша маңызды оқиға­лар­ға толы 2010 жыл да мерейлі межесін алтын жылнамамызға қат­тағалы тұр. Ол берекелі – мерекелі күндерімізге, әлем назарын­да­ғы үлгі алар үрдістерімізге толы болды. Еліміздің жаһан саяса­тын­дағы жол бастар қадамдары мен жарқын үні өркениеттер өрісін­дегі адамзаттың жарасты ықыла­сын танытып отыр. Әсіресе, қы­ран мінез, барыс жүрек Қазақ­ста­н­ның ЕҚЫҰ-ға төрағалығын абы­роймен атқарып, Ұйымның 11 жыл бойы толғаныспен торығып, жіңішкере бастаған үміт жібін қайта жалғап, өзінің жаңа Ас­та­на­сында Саммит шақырып, тағдыр­шешті мәселелер мәмілесін жа­сауы біз өмір сүріп отырған дү­ние-жалған алдындағы басты па­рызын орындауға бекемдігін біл­діреді. Әлем тынысы кеңейді. Бұл жүрегі мен тілегі бір қа­зақ­стандықтардың бауырмалды­ғын биіктеткен жеңіс еді. Ортақ үйіміздің түтіні түзу шығуы – ортақ ойлау, байыпты байлам, ақыл­ды тоқтамның нәтижесі. Өңірлеріміз ғаламат қозғалыстар мен өзгерістер құшағында. Көсе­гелі елдің көреген көсемі де бар. Тәуелсіз елдің Тұңғыш Президенті Нұрсұлтан Әбішұлы Назарбаев абыройымыздың ақ жібін нықтап, көк Туымызды асқақ желбіретіп келеді. Өңірлердегі өрісті өзгерістер осылайша өркенімізді өсіріп отыр. Бұл орайда, астаналық об­лыс­тың – Сарыарқа төріндегі Ақмоланың айрықша екпін тастайтын жөні де, орны да бар. Елбасының өз Жол­дауындағы мемлекеттік бағдарла­ма­ларды мүлтіксіз орындау жөнін­дегі тапсырмалары қызмет қары­мын айқындайтын басымдықтарға айналды. 11 айдың өзінде ғана 158 миллиард теңгенің өнеркәсіп өнім­дері өндірілді. Жыл соңына дейін оның көлемі 170 миллиард теңгеге жетеді деп күтілуде. Бұл – бұрын-соңды болмаған әрі нық сенімге негізделген көрсеткіш. Өйткені, сала өкілдері биыл индустриялық-инновациялық үдемелі даму шең­беріндегі 62,2 миллиард теңгелік маңызды төрт нысанды қатарға қосты. Елбасы Н. Назарбаев Васильков кенішіндегі заманалық ал­тын айыру фабрикасын арнайы келіп ашып, кәсіпорынға «Ал­тын­тау Көкшетау» деген әдемі ат қойғаны жұртшылық жігерін тасытты. Фабрика қазірдің өзінде 4 тонна ал­тын өндірсе, жуық болашақта жыл сайын 15 тонна бағалы өнім алын­бақ. Сол «Алтынтау Көкше­тауы­мыз» күні кеше Президент таға­йын­даған «Инновациялық серпіліс» сыйлығының тұңғыш жеңім­пазы атанды. Ал, ең ардақты «Ал­тын сапаны» «Родина» агрофирма­сының басшысы Адам Сауэр иемденгені өңірдің өркені биік екендігін танытады. Сондай-ақ, Степногор қаласындағы «Жылыжай тех­нологиясы» ЖШС Президенттің тікелей эфир байланысында салтанатпен ашылды. Мұнда жылына 1832 тонна көкөніс өндіріледі деп жоспарланса, оның алғашқы легі ел дастарқанын әрлендіріп үлгер­ді. Сонымен қатар, Көкшетау қа­ла­сындағы «ЕНКИ» серіктестігі­нің әлемдік стандарттар талабына сай керамикалық кірпіш зауыты Елбасының 21 желтоқсандағы кезекті тікелей телебайланысында ашылатын болды. Жалпы, ақмола­лық­тар жылды осындай 11 жоба­ның іске қосылуымен қорытын­ды­ла­мақ. Бұған қосымша Астананың азық-түлік белдеуін қамтамасыз етуге 18,9 миллиард теңге жұмса­лып, қыруар нысандар қатарға қо­сылғанын айтқан жөн. Бағаның негізсіз өсуіне жол бермеу және оны тұрақтандыру мақсатында тауар өн­дірушілермен 297 келісім жаса­лып, кең көлемде ұйымдасты­рыл­ған 534 жәрмеңкеде 800 миллион теңгенің өнімі сатылғаны алыс-бе­ріс­тің мо­лай­ғандығын айқын­дайды. Облыста 150 мың шаршы метр­ге жуық тұрғын үй пайдалануға беріліпті. «Жол картасын» жүзеге асыру нәтижесінде көптен күткен инфрақұрылымдар игілік төгіп, 16 мың жаңа жұмыс орны құ­рыл­ды. Ел тұрмысын жақсартқан жоба «Бизнестің жол картасы – 2020» түрінде жалғасын таппақ. Оған республикалық бюджеттен 645,2 миллион теңге қаржы бөлініп отыр. Ақмолалықтар Елбасы ерекше назар аударған Астана қаласы ма­ңындағы елді мекендерді дамыту­дың кешенді жоспарын орындау үдесінен шыға білді. Шараны жү­зеге асыруға 40,4 миллиард теңге қар­жы жұмылдырылатын болады. Оған жергілікті бюджеттен тағы да 4,3 миллиард теңге бөлінбек. Президенттің биылғы сапарынан кейін Ақмол ауылы танымастай түрлене бастады. Мұнда көп­қа­бат­ты үш тұрғын үй, бала бақ­шалар, әлеуметтік және әкімші­лік ғимараттар бой көтерді. Ал­дағы үш жылда Целиноград, Ар­шалы және Шортанды аудандары­ның агломе­ра­циялық аймаққа жа­та­тын 20 қонысында 200 шақы­рым­дық жол, денсаулық сақтау ме­кеме­сінің 17 нысаны, 10 балалар бақ­ша­сы мен 6 мектеп құ­рылысы, 280 шақы­рым­дық су жүйесі мен 845 шақы­рым­дық электр желісі­нің құры­лысы жүргізілмек. Еліміздегі тұңғыш алты жо­лақ­ты автобан Астанадан Бура­бай­ға тартылғаны, оның Көк­ше­тауға жетіп, Петропавлға дейін жал­ғасын табатыны туризм ин­дус­триясының тынысын аша­ты­ны белгілі. Қазір­дің өзінде Бурабайда мемлекеттік әмбебап ны­сан­дармен қатар, инвесторлар қо­лымен көтерілген ғима­рат­тар көр­кем өңірді әп-сәтте әр­лен­діріп тас­тады. Жұмыс қарқын­ды жал­ға­сын тауып отыр. Келесі жылы Бура­байдың инфрақұрылы­мын же­тіл­ді­ру құжаттарын рәсім­деуге ғана об­лыс 148,6 миллион тең­ге жұм­сауды жоспарлаған. Осы­ның нәти­жесінде, жаңа шаңғы-рол­лер трас­са­лары, яхт-клуб, ашық жә­не жа­бық теннис кордтары салы­нып, жел­кен­ді спорт түрлері дамымақ. Тәуелсіздік жемістері еліміз­дің ішкі саясат институттарының белсенділігі артқандығымен де толыққандығын мақтан етуге тиіспіз. Облыста 9 саяси партия тіркелген. Саяси аренадағы басты топтастырушы күш ретінде «Нұр Отан» ХДП халық беделіне ие болды. Кешегі Саммит Қазақ­стан­ның азаматтық қоғам орнатуға беріктігін дәлелдеп берді. ТМД ау­мағында тұңғыш құрылған Қазақ­стан халқы Ассамблеясы мемлекеттік мүдделерді алға жыл­жыту­шы қуатты құрылымға айналды. Облыстағы 311 діни бірлестік, 161 этномәдени бірлестік жарас­тық атты қымбат қазынамыздың қадірін арттыра түсуде. Әрқашан әдемі ой-ниеттің жетегінде болған жақсы. Жыл ау­қымындағы кемшіліктер мен ша­лыс қадамдар жігерді жани түсе­ті­ні анық. Өйтпесе, жеңіс болмайды. Бақберген АМАЛБЕК. Ақмола облысы.