Жаңажылдық шаралардан бас тартты

Ақмола облысындағы «Алтын­тау-Көкшетау» тау-кен өндірісі ЖШС жаңажылдық мерекелік шаралардан демеушілік мақса­тын­да бас тартты. Оған жұмсалуға жос­парланған ақша қаражаты ком­па­нияның мұқтаж мүшелеріне және мүгедек балаларға мате­риал­дық көмек ретінде бөлінді. Компания басшылығының ше­­­ші­­мі­мен 85 қызметкердің әр­қайсысына 50 000 теңгеден қара­жат берілді. Олардың қатарында көп­балалы отбасылар, мүгедек бала­лары бар қызметкерлер, ұзақ мерзімді ауыр науқасқа шал­дық­қандар, апатты жағдайға ұшы­ра­ғандар, екі және одан көп баланы қамқорлыққа алғандар бар. Облыстық ішкі саясат басқар­масының хабарлауынша, бұл мақсатқа 4 250 000 теңге ақша жұмсалды. Сондай-ақ, кеншілер Көкше­таудағы жүйке ауруына шалдыққан балалар мекемесіне арнайы креслолар сатып алу үшін 1 000 000 теңге қаржы бөлді. Бақберген АМАЛБЕК, «Егемен Қазақстан». Ақмола облысы.