Испанияда 3 тонна кокаин тасымалдаған қылмыскерлер ұсталды

АСТАНА. 6 қаңтар. Испанияның солтүстік-батысында орналасқан Галисия автономды қауымдастығында 3 тонна кокаин тәркіленіп, есірткі контрабандалығына қатысы бар деген күдікпен 12 адам тұтқындалды. Бұл туралы interfax.ru сайтына сілтеме жасаған egemen.kz тілшісі хабарлады. Тұтқынға алынғандардың арасында Францияның, Ұлыбританияның және Нидерландының азаматтары бар. Тәртіп сақшыларының айтуынша, Галисияда 1999 жылдан бері дәл мұндай ірі көлемді есірткі тасымалдаушылар қолға түспеген. Жергілікті полиция қызметкерлері бұл қылмыс елдің оңтүстігіндегі Коста-дель-Соль аймағында орналасқан беделді ұйымдарға тиесілі деген болжам жасады. БАҚ өкілдері Испанияның Солтүстік Африкаға жақын болуына байланысты есірткі контрабандасында басты транзиттік рөл атқаратынын бірнеше мәрте хабарлаған. Аян Әбдуәли. Дерек: Interfax.ru. Сурет: freekalininggrad.ru.