Жапонияда жер сілкінісі цунамиге ұласуы мүмкін

АСТАНА. 14 қаңтар. Жапонияның солтүстігінде магнитудасы 6,7 баллды құрайтын жер сілкінісі болды. Ұлттық метереологиялық басқарманың айтуынша, эпицентрі Хоккайдо префектурасының солтүстігінде, 50 шақырым тереңдікте орналасқан. Апаттан зардап шеккендер жайлы ақпарат жоқ. Дегенмен, аталған басқарма мамандары табиғат апатының соңы цунамиге ұласуы мүмкін деген болжамға байланысты дабыл қағуда. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. Жер сілкінісі Жапонияның солтүстігіндегі 13 елді-мекендерінде және орталығындағы Хоккайдо, Аомори, Фукусима, Иватэ префектураларында сезілген. East Japan Railway темір жол компаниясының қызметкері солтүстікке бет алған «синкансен» жүйрік пойызының уақытша тоқтатылғанын мәлімдеді. Ал жапон метеорологтарының айтуынша, цунами толқындары маңайдағы халыққа зиянын тигізбейді. Алайда, тұрғындардың тез арада алыстау жерге қоныс аударуларына кеңес берді. Жапонияның ұлттық метеорологиялық агенттігі жер асты дүмпуінің болатынын бірнеше секунд алдын анықтап үлгерген. Осыған байланысты ел тұрғындарына құлақтандыру хабарламасы жылдам іке қосылды. Тіпті, дыбыссыз режимде тұрған ұялы телефондарға да естілерліктей етіп ескерту келді. Мұндай жүйе 2011 жылдың 11 наурызында болған қайғылы оқиғадан соң, қолданысқа енген. Айта кетейік, аталған жылы Жапонияда болған 9,0-9,1 балды жойқын жер сілкінісінің арты су тасқынына ұласып, бірнеше елді-мекендер жермен жексен болды. Екі мәрте соққан жер сілкінісінен 14 мыңнан астам ел тұрғыны қаза тапты. Аян Әбдуәли. Дерек, сурет: ТАСС.