АСТАНА. 19 қаңтар. Ресейде ауылшаруашылығы мақсатына арналған жерлер игерілмей жатыр. Бұл туралы ресейлік журналист Алена Попованың Twitter әлеуметтік желісіндегі жеке парақшасына сілтеме жасаған egemen.kz тілшісі хабарлады.
«Қазір Ресейде ауылшаруашылығы мақсатына арналған 56 млн. гектар жер игерілмей жатыр», деді ол. Осыған байланысты ол naganoff.livejournal.com сайтында жарияланған материалдарға сүйене отырып, Ресейде жерлердің ұстағанның қолында, тістегеннің аузында кетіп қалғанын жазады. Оған дәлел ретінде Мәскеу қаласының маңындағы Жуковский қалашығында игерілмей жатқан жерлердің қоқыс алаңына айналғанын келтіреді. Журналистің әлеуметтік желіде постына адамдар пікірлерін жазып, қолдау көрсеткен.
Дастан Кенжалин.
Дерек, сурет: naganoff.livejournal.com
