Қостанайда орнитологтар мен биологтар дабыл қағуда

ҚОСТАНАЙ. 28 қаңтар. Қостанайда биологтар қалың жауған қардан құстар мен аңдар зардап шеккенін айтып отыр. Олардың пікірінше, облыс аумағының флорасы мен фаунасына үлкен шығын болуы мүмкін. Бұл туралы alau.kz сайтына сілтеме жасаған egemen.kz тілшісі хабарлады. Қалың түскен қардан ештеңе тауып жей алмаған ормандағы аңдар елді мекендерге кіре бастағаны туралы ақпараттар естіле бастаған. Кейбір жерлерде қардың қалыңдығы метрге дейін жетеді. Кәнігі аңшылардың айтуынша, мұндайда даладағы көптеген аңдар нәр таба алмайды, әсіресе, құстар зардап шегетін көрінеді. Аңшы Дмитрий Усачев: «Тезірек қар тоқтату жұмысын бастаған дұрыс, қарды қара топырақ көрінгенше сүру керек. Сонда ғана даладағы елік, қоян аңыздағы бидай, сұлы, арпа қалдығын тауып жейді», – дейді. Қазір шаруа қожалықтары мен жауапкершілігі шектеулі серіктестіктердің мұндай жұмысты атқаруға қауқары жоқ. Олар қаржысын қар тоқтатуға шығарғысы келмейді. Аңдар мен құстарға қиын болып тұрғаны мамандар да алаңдатып отыр. Биолог Андрей Андрющенко: «Әңгіме қардың қалыңдығында емес, оның қалай жауғанында болып отыр. Қараша айының аяғында жауған жаңбыр мұз болып қатты да, оның үстіне қар жауды. Аңдар мұзы қалай ойсын. Бұлан тұяқты аң болған соң тебіндер, ал ұсақ аңдар мен құстарға өте қиын», – деді. Нәзира Жәрімбетова. Дерк, сурет: alau.kz.