Транзиттік байланыстың тың бағыттары

Сайлау-2016 Кеше Орталық сайлау комиссиясында сайлау бюллетеніне саяси партиялардың атауларын ретімен енгізу мақсатында жеребе тарту шарасы болып өтті. Қазақстан Республикасы Премьер-Министрінің бірінші орынбасары Бақытжан Сағынтаев Бакуде Әзербайжан Республикасының Премьер-министрі Артур Раси-Задемен келіссөздер жүргізді, деп хабарлады Премьер-Министрдің баспасөз қызметі. Тараптар екіжақты сау­да-экономикалық қарым-қаты­нас­тарды, сондай-ақ, бірлескен жобаларды жүзеге асыру жағдайын талқылады. Бақытжан Сағынтаев пен Ар­тур Раси-Заде Қытайдың, Оң­түстік-Шығыс Азия, Орталық Азия, Кавказ және Еуропа елдері­нің көлік компанияларын тарту жо­лымен жобаға қатысушылар гео­графиясын ұлғайту оны табысты жүзеге асырудың кепілі бола­тынын атап көрсете отырып, Транскаспий халықаралық кө­лік бағытын дамытудың маңыз­дылығына назар аударды. Қазақстанның бірінші вице-премьері Каспий теңізін­дегі қазақстандық және әзер­бай­жандық порттар арасындағы өзара ықпалдастықтың белсенділігін арттыруды ұсынды. Оның пікі­рінше, ол жүктерді өңдеу уақытын одан әрі қысқартуға жағдай жасап, клиенттер үшін қосымша мүмкіндіктер туғызатын болады. Бақытжан Сағынтаев, сондай-ақ, Әзербайжан Премьер-минис­трі­нің бірінші орынбасары Ягуб Эйюбовпен де келіссөз­дер жүргізді. Оның барысында өнер­кәсіптік әріптестік, көлік транзиті саласындағы ынтымақтастықты нығайту мәселелері талқыланды. Оның сыртында Бақытжан Са­ғынтаев Алият кентіндегі және Баку қаласындағы теңіз порт­тары­ның жұмысымен танысты.