қазақ әні «Қарлығашты» шырқап, жұртты таң қалдырды
Соңғы бірнеше күннен бері Қытай Халық Республикасының төрағасы Си Цзиньпиннің зайыбы Пэн Лиюаньнің қазақ әні «Қарлығашты» келістіріп шырқағаны әлеуметтік желіні дүр сілкіндіріп тұр. Рас, интернетке салынған роликте әннің аты да, оның авторы да айтылмайды. Және ол ханзу тілінде шырқалады. Бірақ музыка мамандарын былай қойғанда, қарапайым желі пайдаланушылардың өзі оның қазақтың біртуар композиторы Ахмет Жұбановтың туындысы екенін бірден жазбай таныды.
Ал бұл әннің шығу тарихы мынадай. Оның сөзін 1941 жылы драматург Ибадолла Матақов А.Жұбанов басқаратын хор капелласында ән салатын Жәмила Ахметова деген қызға ғашық болып шығарады. Осы өлеңнің жолдарын сол бойда ұнатқан жас композитор автормен келісіп, оған ән жазады. Сахнада, радиодан жиі орындалған әуен көп ұзамай ел арасына кеңінен тарап кетеді. Ол 40-50-жылдары халықтың сүйікті туындысына айналады. Тағы бір айтатын нәрсе, махаббат туралы әннің арқасында жоғарыдағы Ибади мен Жәмила қосылады.
Енді Қытайдың бірінші ханымы Пэн Лиюаньге келсек, бұл оның бұрынғы кеңес республикалары халықтары әндерін бірінші рет орындауы емес екен. Ол 2013 жылы наурыз айының соңында Ресейге ресми сапар түзген жұбайымен бірге келгенінде, А.Александров атындағы ән және би академиялық ансамбліне арнайы атбасын бұрып, аты аңызға айналған өнер ұжымының сүйемелдеуімен орыстың «Ой, цветет калина» әнін тамаша етіп шырқайды. Әлеуметтік желілерде қазір осы орындау да бар.
Негізі, мұның өзі тегін емес екен. Пэн Лиюань ханым Аспанасты елінің әйгілі әншісі. Ол 18 жасынан Қытай халық-азаттық армиясы сапына қосылып, керемет әншілік таланты арқасында әскери бөлімдерге гастрольге шығып тұрыпты. Осы қызметте кейін генерал-майор шеніне дейін жеткен.
Мұрат АЙТҚОЖА.
Сіздер Пэн Лиюань ханым орындаған «Қарлығаш» әні мен оның қазақ тіліндегі нұсқасы видеосын газеттің сайтынан тыңдай аласыздар.
Ал 2002 жылы бұл әнді Қазақстанның «Дауыс International» тобы былай орындаған болатын
қазақ әні «Қарлығашты» шырқап, жұртты таң қалдырды
Соңғы бірнеше күннен бері Қытай Халық Республикасының төрағасы Си Цзиньпиннің зайыбы Пэн Лиюаньнің қазақ әні «Қарлығашты» келістіріп шырқағаны әлеуметтік желіні дүр сілкіндіріп тұр. Рас, интернетке салынған роликте әннің аты да, оның авторы да айтылмайды. Және ол ханзу тілінде шырқалады. Бірақ музыка мамандарын былай қойғанда, қарапайым желі пайдаланушылардың өзі оның қазақтың біртуар композиторы Ахмет Жұбановтың туындысы екенін бірден жазбай таныды.
Ал бұл әннің шығу тарихы мынадай. Оның сөзін 1941 жылы драматург Ибадолла Матақов А.Жұбанов басқаратын хор капелласында ән салатын Жәмила Ахметова деген қызға ғашық болып шығарады. Осы өлеңнің жолдарын сол бойда ұнатқан жас композитор автормен келісіп, оған ән жазады. Сахнада, радиодан жиі орындалған әуен көп ұзамай ел арасына кеңінен тарап кетеді. Ол 40-50-жылдары халықтың сүйікті туындысына айналады. Тағы бір айтатын нәрсе, махаббат туралы әннің арқасында жоғарыдағы Ибади мен Жәмила қосылады.
Енді Қытайдың бірінші ханымы Пэн Лиюаньге келсек, бұл оның бұрынғы кеңес республикалары халықтары әндерін бірінші рет орындауы емес екен. Ол 2013 жылы наурыз айының соңында Ресейге ресми сапар түзген жұбайымен бірге келгенінде, А.Александров атындағы ән және би академиялық ансамбліне арнайы атбасын бұрып, аты аңызға айналған өнер ұжымының сүйемелдеуімен орыстың «Ой, цветет калина» әнін тамаша етіп шырқайды. Әлеуметтік желілерде қазір осы орындау да бар.
Негізі, мұның өзі тегін емес екен. Пэн Лиюань ханым Аспанасты елінің әйгілі әншісі. Ол 18 жасынан Қытай халық-азаттық армиясы сапына қосылып, керемет әншілік таланты арқасында әскери бөлімдерге гастрольге шығып тұрыпты. Осы қызметте кейін генерал-майор шеніне дейін жеткен.
Мұрат АЙТҚОЖА.
Сіздер Пэн Лиюань ханым орындаған «Қарлығаш» әні мен оның қазақ тіліндегі нұсқасы видеосын газеттің сайтынан тыңдай аласыздар.
Ал 2002 жылы бұл әнді Қазақстанның «Дауыс International» тобы былай орындаған болатын
Соңғы жаңалықтар
