Бүгінгі күннің Күлбикесі

«Хабар» агенттігі сериал­дар өн­дірісіндегі отандық на­рық­­тың дамуына өз үлесін қосу­ды жалғастыруда. Атал­мыш арна әзірлеп жатқан көк­темгі тұсаукесердің бірі жаңа «Зәуре» сериалы. Бұл біз біле­тін баяғы Күлбике туралы ер­тегі телехикаяның желісімен ұшта­сады. Жаңа телесериалда өгей ше­шенің қыспағына әбден шыдап келген қыз түптің түбінде тамаша адамға жолығып, бақытты болады ғой. Оған дейінгі осы заманның ертегісі кө­рермендер үшін тартымды бо­луы тиіс. Қысқасы, телехикая нұс­қасында ауылда туып-өскен Зәуре есімді жас қыз туралы баян­далады. Оқиға желісіне Зәуренің өзіне сенімсіз қыздан жетістікке жеткен, танымал дизайнерге айналу жолындағы шым-шытырық күрделі өмірі арқау болмақ. Жұрт жақсы білетін «Зо­лушка» ертегісінің қазақ­стан­дық нұсқа­сының кейіпкерін «Один из нас», «Он и она» сияқты жобаларға қа­тысқан белгілі Динара Бақты­баева ой­найды. «Он и она» филь­мін­­­дегі рөлі арқасында Ди­на­ра жұртшылыққа кеңінен та­­­нылған. Оның айтуынша: «Бұл бар­лық қиыншылықтардан ханзада құтқаратын Күлбикенің оқиғасы емес. Біздің оқиғада ме­нің кейіпкерім бәріне өз күші­мен, жігерімен, талантымен қол жеткізеді». Сценарий авторы «Сүрбойдақ», «Тракторшының махаббаты» сияқты жобаларды өмірге әкелген Асқар Ұзабаев. Ал режиссері «Махаббатым жү­регімде-2» сериалын түсірген Ернар Нұрғалиев. Сондай-ақ, те­лехикаяда Нұрлан Төреханов, Венера Ниг­матулина, Айнұр Ния­зова, Жандос Айбасов, Артур Төлепов, Камалия Байтө­леуова ойнайды. Шығармашылық топ сюжетті жарасымды әзілмен байытуға жә­не актерлердің ойынын шы­тыр­ман оқиғалар әрі сериядан се­рияға өткен сайын қызықты бо­латындай етіп жасауға сөз бер­­ген екен. Сценарий барлық жас­­­­тағы көрермендердің қызы­ғу­шылықтарын ескере отырып жа­зылған көрінеді. Мелодрамалық туынды түсіру идеясы «Хабар» агенттігіне тие­сілі. Жобаны іске асыруға «567 Creative Laboratory»продакшн ком­паниясының тобы кіріссе, тү­сірілімдер Алматы және Талғар қалаларында жүргізілді. Айнаш ЕСАЛИ, «Егемен Қазақстан». АЛМАТЫ.