Соңғы жылдары Қазақстан Республикасы Үкіметінің жанындағы республикалық терминология комиссиясының мұрындық болуымен мемлекеттік тілдегі терминдер қорын толықтыру орайында бірқатар ілкімді жұмыстар атқарылып келеді. Соның нәтижесінде аталған терминологиялық комиссия өткен жылдың 6 қазандағы отырысында тізбеге ұсынылған терминдердің бір парасын қарап, бекітіп беріп, қолданысқа жолдады.
Бекітілген терминологиялық тізбедегі инновация, индустрия салалары бойынша – 179, төтенше жағдайлар бойынша – 95, көлік және қатынас жолдары бойынша – 846, математика саласы бойынша – 279, механика және машинатану саласы бойынша – 282, барлығы – 1745 термин сөздер ендігі жерде мемлекеттік тілдің игілігіне қызмет ететін болады. Термин сөздерді қалыптастырып, осы ретте өзіндік ізденістер жасап, терминкомға ұсыну кезінде салалық министрліктер мен ведомстволардың да белсенділік танытып отырғанын атап өткен жөн. Айталық, аталмыш тізбеге Инвестициялар және даму министрлігі тарапынан 22, Ішкі істер министрлігі тарапынан 23 термин сөздер кіргізілген.
Республикалық терминологиялық комиссия бекітіп ұсынған осы терминдер тізбесін «Егемен Қазақстан» газетінің сайтынан оқи аласыздар.«Егемен-ақпарат».
Жүктеу: Бекітілген терминдер-2015-1